Prabhu Dev: કોરિયોગ્રાફર પ્રભુ દેવા 50 વર્ષની ઉંમરે ફરી પિતા બન્યા, અભિનેતાની ઘરે પુત્રીને જન્મ

પ્રખ્યાત કોરિયોગ્રાફર પ્રભુદેવાએ ખુલાસો કર્યો કે, તેઓ પિતા બની ગયા છે. હકીકતમાં પ્રભુએ વર્ષ 2020માં હિમાની સિંહ સાથે બીજા લગ્ન કર્યા હતા. હિમાની સિંહે એક બાળકીને જન્મ અપ્યો છે. હવે પ્રભુદેવા બાળકીનો જન્મ થતાં જ ખુશ છે અને તેઓએ કામકાજ ઓછો કરી દીધો છે. હવે વધુ સમય પરિવાર સાથે વિતાવવા ઈચ્છે છે.

મુંબઈ: પ્રખ્યાત કોરિયોગ્રાફર પ્રભુ દેવાએ વર્ષ 2020માં હિમાની સાથેના લગ્નની જાહેરાત કરી હતી. ત્યારે તેના ચાહકોને આશ્ચર્યચકિત કરી દીધા હતા. તાજેતરમાં આ કપલે તેમના ચાહકો માટે ફરીથી એક ખુલાસો કર્યો છે. સુપર કોરિયોગ્રાફર, દિગ્દર્શક અને અભિનેતા પ્રભુદેવા ફરી પિતા બન્યા છે. હકીકતમાં, તાજેતરમાં જ પ્રખ્યાત કોરિયોગ્રાફર પ્રભુદેવાએ ખુલાસો કર્યો છે કે તે એક બાળકીના પિતા બન્યા છે.

પ્રભુ દેવા ફરી પિતા બન્યા: આટલી મોડી ઉંમરે પિતૃત્વની સૌથી સારી વાત એ છે કે પ્રભુના પરિવારમાં આ પ્રથમ બાળકી છે. તેમની બીજી પત્ની હિમાની સાથે આ તેમનું પહેલું સંતાન છે. જેની સાથે તેમણે 2020માં લગ્ન કર્યા હતા. અગાઉના લગ્નથી પ્રભુને ત્રણ પુત્રો હતા. નવા બાળકના આગમનથી ખૂબ જ આનંદિત, પ્રભુ વધુમાં વધુ સમય ઘરે વિતાવવા માંગે છે. તેણે કહ્યું, 'મેં મારા કામનો બોજ પહેલેથી જ ઓછો કરી દીધો છે. હા એ સાચું છે, હું 50 વર્ષની ઉંમરે ફરી પિતા બન્યો છું. હું ખૂબ જ ખુશ અને સંપૂર્ણ અનુભવું છું.'

પ્રભુ દેવાનું નિવેદન: પ્રભુ દેવાએ વધુમાં જણાવ્યું હતું કે, 'મને લાગ્યું કે, હું ખૂબ જ કામ કરી રહ્યો છું. બસ આજુબાજુ દોડી રહ્યો છું. મારું કામ થઈ ગયું છે, હવે હું મારા પરિવાર સાથે થોડો સમય વિતાવવા માંગુ છું.' પ્રભુ તેમનો મોટાભાગનો સમય મુંબઈ અને ચેન્નાઈમાં વિતાવે છે. બંને શહેરોમાં દિગ્દર્શક અને અભિનેતા તરીકે તેમની અત્યાર સુધીની શાનદાર કારકિર્દી રહી છે. એક કોરિયોગ્રાફર તરીકે, તે કહે છે કે જ્યાં સુધી કંઈક મોટું સામે નહીં આવે ત્યાં સુધી તે તેના પરિવાર સાથે રહેશે.