હૈદરાબાદ: સની દેઓલ અને અમિષા પટેલની તાજેતરમાં રિલીઝ થયેલી ફિલ્મ 'ગદર 2'એ ભારતીય બોક્સ ઓફિસ પર જોરદાર કમાણી કરી છે. આ સાથે 300 કરોડના ક્લબમાં પ્રવેશ કર્યો છે. અનિલ શર્મા દ્વારા નિર્દેશિત ફિલ્મ તારીખ 11 ઓગસ્ટના રોજ સિનેમાઘરોમાં રિલીઝ કરવામાં આવી હતી. આ દરમિયાન 'OMG 2'ની બોક્સ ઓફિસ પર સફળતા સતત હેડલાઈન્સ બનાવી રહી છે. અક્ષય કુમારની તાજેતરની ફિલ્મ સ્થાનિક સ્તરે ધીમી ગતીએ કમાણી કરી છે.
bollywood Box Office: 'ગદર 2'ની 300 કરોડના ક્લબમાં એન્ટ્રી, 'OMG 2' 100 કરોડની નજીક
બોલિવુડ અભિનેતા સની દેઓલની ફિલ્મ 'ગદર 2' અને અક્ષય કુમારની 'OMG 2' તારીખ 11 ઓગ્સ્ટના રોજ વિશ્વસ્તરે રિલીઝ કરવામાં આવી હતી. 'ગદર 2' બોક્સ ઓફિસ પર ધડાકો કરી રહી છે. સની દેઓલ અને અમિષા પટેલ સ્ટારર ફિલ્મ પ્રત્યે દર્શકોમાં ખુબ જ ઉત્સાહ જોવા મળે છે. 8માં દિવસે આ ફિલ્મે કેટલી કમાણી કરી તે જાણવા માટે આગળ વાંચો.
'ગદર 2' 300 કરોડની ક્લબમાં એન્ટ્રી, 'OMG 2' 100 કરોડની નજીક
ગદર 2નું બોક્સ ઓફિસ કલેક્શન: ગદર 2ની કમાણીની વાત કરીએ તો, ઓપનિંગ ડેના દિવસે ધમાકેદાર કમાણી કરી હતી. તરણ આદર્શના અહેવાલ મુજબ, 'ગદર 2'એ બીજા શુક્રવારે 20 કરોડ રુપિયાની કમાણી કરી હતી. તારીખ 11 ઓગસ્ટના રોજ રિલીજ થઈ હતી અને આજે 9માં દિવસે ચાલી રહી છે. આ ફિલ્મે 300 કરોડના ક્લબમાં એન્ટ્રી કરી લીધી છે. 'ગદર 2'એ ભારતીય બજારમાં સ્ક્રીનિંગના આઠમાં દિવસે પ્રશંસનીય 20.50 કરોડની કમાણી કરી હતી. હવે આ ફિલ્મે સ્થાનિક બોક્સ ઓફિસ પર 305.13 કરોડની કમાણી કરી લીધી છે.
OMG 2નું બોક્સ ઓફિસ કલેક્શન: 'OMG 2' માટે શુક્રવારના આંકડા પણ એટલા જ આશાસ્પદ રહ્યા હતા. 'OMG 2' 8માં દિવસે રુપિયા 6.8 કરોડની કમાણી કરવામાં સફળ રહી છે. તરણ આદર્શના જણાવ્યા અનુસાર, સ્થાનિક બોક્સ ઓફિસ પર ફિલ્મનું કુલ કલેક્શન આશરે 91.08 કરડો થઈ ગયું છે. 'OMG 2' ની જીતની સાથે અક્ષય કુમારે સોશિયલ મીડિયા પર એક વીડિયો શેર કર્યો હતો. આ વીડિયો શેર કરીને દર્શોકોને આભાર વ્યક્ત કર્યો હતો.