ઉત્તરાખંડ: બોલિવૂડ અભિનેત્રી કંગના રનૌત આ દિવસોમાં દેવભૂમિ ઉત્તરાખંડના પ્રવાસે છે. તારીખ 23 મેના રોજ કંગના રનૌત હરિદ્વારમાં ઋષિ-મુનિઓને મળી અને તેમના આશીર્વાદ લીધા. આજે તારીખ 24 મે બુધવારે કંગના રનૌત કેદારનાથ ધામ પહોંચી હતી. બદરી-કેદાર મંદિર સમિતિ અને તીર્થ પુરોહિત સમાજે તેમનું કેદારનાથ ધામમાં સ્વાગત કર્યું હતું.
અભિનેત્રી કેદારનાથ પહોંચી: આ પછી કંગના રનૌતે કેદારનાથ મંદિરમાં પૂજ કરી વિશેષ પ્રાર્થના કરી હતી. મંદિર સમિતિએ અભિનેત્રી કંગના રનૌતને કેદારનાથ ધામનો મહાપ્રસાદ આપ્યો હતો. નોંધનીય છે કે, કંગના રનૌત થોડા સમય પહેલા હરિદ્વાર આવી હતી, પરંતુ તે પછી તે કેદારનાથ ધામ આવી શકી ન હતી. તેણે કેદારનાથ ધામની મુલાકાત લેવાની ઈચ્છા વ્યક્ત કરી હતી. જો કે, આ વખતે તેની ઈચ્છા પૂરી થઈ છે. અભિનેત્રી કંગના રનૌતની સાથે હરિદ્વાર જિલ્લાની ખાનપુર વિધાનસભા સીટના અપક્ષ ધારાસભ્ય ઉમેશ શર્મા પણ કેદારનાથ પહોંચ્યા છે.
ગઈકાલે બોલિવૂડ એક્ટર અક્ષય કુમાર પણ કેદારનાથ પહોંચ્યા હતા. તેમણે પણ બાબાના દરવાજે દર્શન કર્યા હતા. આ પછી અભિનેતા અક્ષય કુમાર દેહરાદૂનમાં મુખ્યમંત્રી પુષ્કર સિંહ ધામીને મળ્યા હતા. કેદારનાથ ધામનું દ્વાર ગયા મહિને તારીખ 25 એપ્રિલે ખોલવામાં આવ્યા હતા. આ એક મહિનામાં અત્યાર સુધીમાં લગભગ 5 લાખ ભક્તો બાબા કેદારના દ્વારે પહોંચ્યા છે.
હવામાન વિભાગની ચેતવણીઃહવામાન વિભાગે ઉત્તરાખંડમાં આગામી 3 દિવસ સુધી વરસાદ, તોફાન અને કરા પડવાની ચેતવણી જારી કરી છે. હવામાન વિભાગના જણાવ્યા અનુસાર રાજ્યના મોટાભાગના વિસ્તારોમાં વરસાદની સાથે વાવાઝોડા અને કરા પણ જોવા મળશે. આવી સ્થિતિમાં ચારધામ યાત્રાએ જતા ભક્તોએ આ સમયગાળા દરમિયાન ખાસ તકેદારી રાખવી જોઈએ. હવામાન વિભાગની ચેતવણી બાદ પોલીસ પ્રશાસન પણ એલર્ટ પર છે. હરિદ્વારમાં ઝાડ પડવાને કારણે 3 લોકોના મોત પણ થયા હતા.
- Actor Nitesh Pandey Death: અભિનેતા નીતીશ પાંડેનું હાર્ટ એટેકથી નિધન, 51 વર્ષની વયે લીધા અંતિમ શ્વાસ
- Karan Johar birthday gift: કરણ જોહર જન્મદિવસ પર ચાહકોને આપશે મોટી ભેટ, રિલીઝ કરશે આ ફિલ્મનો ફર્સ્ટ લુક
- Mamta Soni Movie: ગુજરાતી ફિલ્મ ખારા પાણીની પ્રીત ફિલ્મની રિલીઝ ડેટ જાહેર, મમતા સોનીએ પોસ્ટ કરી શેર
