વડાપ્રધાન મોદીને મીઠાઈ મોકલું છું, પણ મત તો નહીં જ આપું: મમતા બેનર્જી

શ્રીરામપુર(પશ્ચિમ બંગાળ): વડાપ્રધાન મોદીએ અક્ષય કુમારને આપેલા ઈન્ટરવ્યુમાં ખુલાસો કર્યો હતો કે, પશ્ચિમ બંગાળના મુખ્ય પ્રધાન મમતા બેનર્જી તેમને મીઠાઈ અને કુર્તાઓ મોકલે છે. આ અંગે મમતા બેનર્જીએ પણ જવાબ આપ્યો છે. બેનર્જીએ બુધવારે કહ્યું હતું કે, અનેક પ્રસંગે તેમણે મીઠાઈ તથા ભેટ સોગાદ આપી હશે પણ મત તો નહીં જ આપું.

મમતા બેનર્જીએ વડાપ્રધાન મોદીનું નામ લીધા વગર જ ચૂંટણી સભામાં કહ્યું હતું કે, હું લોકોને રસગુલ્લા મોકલું છું. હું પૂજા દરમિયાન ભેટ આપું, ચા પણ પીવડાવું છું, પણ હું તેમને એક પણ મત નહીં આપું.

અભિનેતા અક્ષય કુમાર સાથેની વાતચીતમાં વડાપ્રધાન મોદીએ ખુલાસો કર્યો હતો કે, કટ્ટર વિરોધીમાંના એક મમતા દીદી તેમના માટે જાતે કુર્તા સિલેક્ટ કરી દર વર્ષે મોકલી આપી છે.