17મી લોકસભાના સ્પીકર ઓમ બિરલા, અનોખુ ગુજરાત કનેક્શન...

ન્યૂઝ ડેસ્કઃ 17મી લોકસભામાં સંસદના નીચલા ગૃહ લોકસભાના સ્પીકર પદ માટે રાજસ્થાનના કોટાથી ભાજપના સાંસદ ઓમ બિરલાની પસંદગી કરવામાં આવી છે, ત્યારે આજે ઓમ બિરલાની ગુજરાત સાથેની કેટલીક યાદો જણાવીશું. આ વખતે પણ PM મોદીએ છેલ્લી ઘડીએ પોતાના પાસા ફેંકી ઓમ બિરલાને લોકસભાના અધ્યક્ષ તરીકે પસંદ કર્યા છે. આ પહેલા વિવિધ નામ ચર્ચામાં હતાં, પરંતુ હવે તમામ અટકળો બાદ ઓમ બિરલાની સર્વાનું મતે પસંદગી થઈ છે. ઓમ બિરલા માત્ર બેવાર જ લોકસભા ચૂંટણી જીત્યા છે, પરંતુ તેમની પાસે સંગઠનમાં કામ કરવાનો મોટો અનુભવ છે.

ઓમ બિરલાનું ગુજરાત કનેક્શન

• હમણાં જ સંસદમાં PM મોદીએ ભાષણ આપ્યું, જેમાં બિરલાની ગુજરાત સાથે જોડાયેલી વાત યાદ કરી હતી.
• ખુદ પીએમ મોદીએ આજે ગુજરાતમાં ભૂકંપ વખતે બિરલાએ કરેલી સેવાને યાદ કરી હતી.
• 26મી જાન્યુઆરી 2001માં ગુજરાતમાં વિનાશકારી ભૂકંપ આવ્યો હતો. જેમાં બિરલાએ પ્રભાવિત લોકોને રાહત પહોંચાડવા ડૉક્ટર સહિત 100 સભ્યોની ટીમનું નેતૃત્વ કર્યું
• આ દરમ્યાન સતત 10 દિવસ સુધી લોકોને ભોજન અને દવાઓ પહોંચાડી હતી.
• આ ઉપરાંત બારાં જિલ્લામાં સહરિયા જનજાતિના બાળકોમાં કુપોષણ દૂર કરવા માટે તેમણે મિશન ચલાવ્યું હતું.
• કોટામાં આઇઆઇટીની સ્થાપના માટે તેમણે આંદોલનનું નેતૃત્વ કર્યું હતું.
• બૂંદીના લોકોને ચંબાલનું પાણી અપાવા માટે પણ બિરલાએ કામ કર્યું હતું.
  

  પૂર્વ સ્પીકર સાથે નવા સ્પીકર

કોણ છે ઓમ બિરલા?

• ઓમ બિરલા રાજસ્થાનના કોટાથી સાંસદ છે અને બીજી વખત લોકસભા ચૂંટણી જીત્યા છે.
• આ પહેલાં બિરલા રાજસ્થાન સરકારમાં સંસદીય સચિવ રહી ચૂક્યા છે. 2014માં કેટલીય સંસદીય સમિતિઓમાં રહ્યા.
• આ સિવાય ઓમ બિરલા પાસે મેનેજમેન્ટની ક્ષમતા પણ સારી છે. મોટા નેતાઓ સાથે સંબંધ પણ સારા છે.
• કહેવાય છે કે, વસુંધરા રાજે સાથે તેમના સંબંધ બહુ ખાસ નથી.
• રાજકીય કેરિયરની વાત કરીએ તો ઓમ બિરલા 2014મા 16મી લોકસભાની ચૂંટણીમાં પહેલી વખત કોટાથી સાંસદ બન્યા.
• 2019ની લોકસભા ચૂંટણીમાં તેઓ ફરીથી આ જ બેઠકથી સાંસદ બન્યા.
• આ પહેલાં 2003, 2008, અને 2013મા કોટાથી જ ધારાસભ્ય બન્યા હતાં. આમ કુલ ત્રણ વખત ધારાસભ્ય અને બે વખત સાંસદ રહી ચૂક્યા છે.