વડોદરાઃ વડોદરા એમ.એસ.યુનિવર્સિટીની સેનેટની ચૂંટણીને (Vadodara msu election) શહેર ભાજપે સંપૂર્ણપણે રાજકીય રંગ આપી દીધો છે. MS યુનિવર્સિટીમાં ભાજપ તરફી બે જૂથો (Vadodara city BJP ) સત્તાધારી જૂથ અને સંકલન સમિતિ પ્રેરિત જૂથ વચ્ચે ચાલી રહેલા જંગમાં આજે સંકલન સમિતિના સેનેટની (MS University Coordinating Committee) વિવિધ કેટેગરીના 22 ઉમેદવારોને ભાજપ કાર્યાલય પર બોલાવીને તેમને ભાજપનો ટેકો હોવાની જાહેરાત કરવામાં આવી હતી. રજિસ્ટર્ડ ગ્રેજ્યુએટ કેટેગરીની સાથે સાથે પ્રોફેસર અને ટીચર્સ કેટેગરીના ઉમેદવારોને પણ ભાજપે ચૂંટણી માટે ટેકો આપવાનુ એલાન કર્યુ હતું.
ઈતિહાસમાં પહેલી વખત
એમ એસ યુનિવર્સિટીના ઈતિહાસમાં પહેલી વખત એવું બન્યું હતું કે, સેનેટ ચૂંટણી (Vadodara msu election) લડતા ઉમેદવારોને ભાજપ કાર્યાલયે બોલાવીને તેમને ટેકો જાહેર કરવામાં આવ્યો હોય. આ સાથે જ સેનેેટની ચૂંટણી હાઈપ્રોફાઈલ (MS University Coordinating Committee)બની ગઈ છે. સંકલન સમિતિની સાથે સાથે શહેર ભાજપ સંગઠન (Vadodara city BJP ) પણ હવે સત્તાધારી જૂથ સામે આરપારની લડાઈના મૂડમાં હોય તેમ લાગી રહ્યું છે. કારણકે ભાજપે ઉમેદવારોને ખુલ્લેઆમ ટેકો જાહેર કરીને પોતાની પ્રતિષ્ઠા પણ દાવ પર લગાડી દીધી છે.
શહેર ભાજપ પ્રમુખે ટેકો જાહેર કર્યો