- વડોદરામાં રમતા બાળકો પાછળ બંગલાના માલિકે કૂતરો છોડ્યો
- બંગલાના માલિકના પુત્રે પણ બાળકોને મારવાની પ્રયાસ કર્યો
- વાલીઓએ બંગલાના માલિક સામે કાર્યવાહી કરવા કરી માગ
વડોદરા: આર. વી. દેસાઈ રોડ નજીકની ગોયાગેટ સોસાયટીના શક્તિ એપાર્ટમેન્ટમાં રહેતા બાળકો દિવાળી નિમિત્તે ઘર આંગણે ફટાકડા ફોડી રહ્યા હતા, ત્યારે બાળકોની આ વાતના કારણે નજીકમાં રહેતા બંગલાના ખિજાયેલા માલિકે આ બાળકો પાછળ કૂતરો છોડી મૂક્યો હતો. આ ઉપરાંત બંગલાના માલિકનો પુત્ર બાળકોને લાકડી મારવા દોડ્યો હતો. જેથી સમગ્ર મામલો બુધવારે નવાપુરા પોલીસ સ્ટેશને પહોંચ્યો હતો. પોલીસને બંગલા માલિક વિરુદ્ધ રજૂઆત કરવામાં આવી હતી. આ ઉપરાંત CCTV ફૂટેજ પણ પોલીસને આપવામાં આવ્યા હતા.