સુરતઃ સમગ્ર દેશના લોકો વર્ષોથી રામમંદિરના નિર્માણની રાહ જોઈ રહ્યા હતા. 5 ઓગસ્ટના રોજ અયોધ્યામાં ભવ્ય રામમંદિરના નિર્માણ માટે શિલાન્યાસ કરવામાં આવશે. જેમાં વડાપ્રધાન મોદી પણ હાજર રહેશે.
સુરતઃ રામ મંદિર નિર્માણ માટે જૈનાચાર્યોએ 11 કિલો ચાંદીની ભેટ આપી
વર્ષો બાદ અયોધ્યામાં ભવ્ય રામ મંદિરનો શિલાન્યાસ કરવામાં આવશે. હિન્દુ ધર્મ માટે આ ખૂબ મહત્વનો તહેવાર છે, ત્યારે એકતા અને ભાઈચારાનો ભાવ દર્શાવી જૈન ધર્મના જૈન મુનિઓ પણ મંદિરમાં વિશેષ યોગદાન આપવા આગળ આવી રહ્યા છે. ભવ્ય રામ મંદિરના યોગદાન માટે જૈન ધર્મના શુભમંગલ ફાઉન્ડેશન ગુરુરામ પાવનભૂમિ સુરતના ગચ્છાધિપતિ જૈન આચાર્ય વિજય અભયદેવસુરીશ્વરજી મહારાજ સાહેબના હસ્તે VHP અને RSSને 11 રજત દ્રવ્ય આપવામાં આવ્યું છે.
રામ મંદિર નિર્માણ માટે જૈનાચાર્યોએ 11 કિલો ચાંદીની ભેટ આપી
આ ભવ્ય રામમંદિર માટે લોકો સ્વૈચ્છીક યોગદાન આપી રહ્યા છે. જૈન ધર્મ વિશેષ યોગદાન આપવા માટે આગળ આવ્યું છે. શુભ મંગલ ફાઉન્ડેશન ગુરુરામ પાવનભૂમિ સુરત તરફથી રામમંદિર આંદોલન સાથે જોડાયેલા VHP અને RSSના કાર્યકરોને 11 કિલો રજત દ્રવ્ય અર્પણ કરવામાં આવ્યું છે. સુરત ખાતે ગચ્છાધિપતિ જૈન આચાર્ય વિજય અભયદેવસુરીશ્વરજી મહારાજના હસ્તે આ ચાંદીનું દ્રવ્ય અર્પલ કરવામાં આવ્યું છે.
આ ઉપરાંત રામ જન્મભૂમિ આંદોલનમાં જોડાયેલા અને પોતાનો જીવ ગુમાવનારા કોઠારી બંધુઓના યોગદાનને જૈન ધર્મના જૈન આચાર્યોએ બિરદાવ્યો હતો. આ સાથે જ રામ મંદિરને સમગ્ર ભારતીય પ્રજા માટે ગૌરવ લેવા સમાન ગણાવ્યું હતું અને મર્યાદા પુરુષોત્તમ શ્રી રામચંદ્રજીના આદર્શો અને ગુણો તમામ લોકોના જીવનમાં આવે અને તેના દ્વારા આધ્યાત્મના માર્ગે તમામ લોકો આગળ વધે એવી કામના કરી હતી.
રામ મંદિર નિર્માણ માટે જૈનાચાર્યોએ 11 કિલો ચાંદીની ભેટ આપી