તબીબો પર તાનાશાહી ચલાવતાં અધિકારીઓઃ ઇન્ડિયન મેડિકલ એસોસિએશન ગુજરાતે નોંધાવ્યો વિરોધ

ઈન્ડિયન મેડિકલ એસોસિએશન ગુજરાતે અધિકારીઓની તબીબો ઉપરની તાનાશાહીનો વિરોધ નોંધાવ્યો છે. ગુજરાતના કેટલાક કલેકટરોની તાનાશાહી સામે IMAએ ગુજરાતના મુખ્યપ્રધાન વિજય રૂપાણીને પત્ર લખી વિરોધ નોંધાવ્યો છે.

સુરત : છ મહિનાથી કોરોના દર્દીઓની જીવના જોખમે સેવા કરવામાં વ્યસ્ત તબીબો ઉપર ભૂજ, ગોંડલ, ગાંધીધામ, ગીર સોમનાથ જામનગર, બોટાદ, ગોધરા તથા અન્ય જિલ્લાના કલેકટરો દ્વારા જોહુકમીવાળા આદેશો આપવામાં આવી રહ્યાં છે તેને ઈન્ડિયન મેડિકલ એસોસિએશન ગુજરાતે તાનાશાહી ગણાવ્યાં છે.

તબીબો પર તાનાશાહી ચલાવતાં અધિકારીઓઃ ઇન્ડિયન મેડિકલ એસોસિએશન ગુજરાતે વિરોધ નોંધાવ્યો

આ આ અંગે ઈન્ડિયન મેડિકલ એસોસિએશન ગુજરાતના પ્રમુખ ડૉ ચંદ્રેશ જરદોશે જણાવ્યું હતું કે હાલમાં પ્રવર્તમાન વૈશ્વિક મહામારી કોવિડ 19માં ઇન્ડિયન મેડીકલ એસોસિએશન સરકાર સાથે ખભેખભા મિલાવીને છેલ્લાં કેટલાક મહિનાઓથી કાર્યરત છે. વડાપ્રધાન નરેન્દ્ર મોદી અને આરોગ્યમંત્રી હર્ષવર્ધન અને અન્ય સ્વાસ્થ્ય કર્મીઓની સેવાને બિરદાવી છે. કોરોના દર્દીઓની સેવા કરતાં કરતાં તબીબો સંક્રમિત થયાં છે અને તેમના કેટલાક તબીબોના દુઃખદ અવસાન પણ થયાં છે. પરંતુ કોરોનાની મહામારી સમયે તબીબો સાથે આ જિલ્લાના કલેકટર દ્વારા જે વર્તન ખૂબ જ નિંદનીય છે.

વધુમાં જણાવ્યું હતું કે જેમની ઉમર 50 વર્ષથી વધુ છે અને ડાયાબિટીસ બ્લડપ્રેશર સહિત અન્ય રોગો છે તેમને અન્ય સ્થળો પર ડ્યૂટી પર મોકલવામાં આવી રહ્યાં છે અને સખત ભાષામાં ચીમકી આપવામાં આવી રહી છે. અધિકારીઓ દાદાગીરી કરે છે અને વારંવાર જિંદગી આપે છે. માત્ર ગુજરાતમાં જ 500થી વધુ ડોક્ટર 700 અને મેડિકલ સ્ટાફ કોરોના પોઝિટીવ થઇ ચૂક્યાં છે. ત્યારે અધિકારીઓનો વ્યવહાર ખૂબ જ નિંદનીય છે. કોરોના કારણે મૃત્યુ પામનાર ડોક્ટરોના પરિવારને 50 લાખની આર્થિક સહાય સરકાર દ્વારા કરવામાં આવે.