સૂરતઃ સૂરતમાં જિલ્લા શિક્ષણ અધિકારીની કચેરીએ વાલીમંડળે ધરણાં ર્ક્યાં હતાં. જેમાં સ્કૂલ દ્વારા કરવામાં આવતા ફીના દબાણ તેમ જ ઓનલાઈન શિક્ષણને લઈને વિરોધ નોંધાવ્યો હતો. વાલીમંડળે જિલ્લા શિક્ષણ અધિકારીની કચેરીએ ધરણા કરી અને આવેદનપત્ર આપ્યું હતું. આવેદનપત્રમાં તેઓએ વિવિધ માગણી કરી હતી.
સૂરતમાં જિલ્લા શિક્ષણાધિકારી કચેરીએ વાલીમંડળે કર્યાં ધરણા વાલીમંડળે આવેદનપત્રમાં જણાવ્યું હતું કેાં 1 થી 8 ધોરણ સુધી ઓનલાઈન શિક્ષણ બંધ કરવામાં આવે, 3 મહિનાની સ્કૂલ ફી માફ કરવામાં આવે, સરકાર દ્વારા સપ્ટેમ્બર સુધી ફી ભરવાની વાલીઓને છૂટ છે છતાં જે શાળાઓ ફી ઉઘરાવવા દબાણ કરે છે તેઓની સામે દંડાત્મક કાર્યવાહી કરવી જોઇએ. આટલી માગણીઓને લઈને આવેદનપત્ર આપ્યું હતું. ધરણા કરતી વખતે વાલીમંડળના સભ્યોએ બેનરો સાથે વિરોધ પણ નોંધાવ્યો હતો.
