સુરત: વીર નર્મદ દક્ષિણ ગુજરાત યુનિવર્સિટીમાં અભ્યાસ કરનારી વિદ્યાર્થિની કલ્યાણી સક્સેના ગુજરાતની જલપરી બની છે. કારણ કે, સુરતની આ દિકરીએ ગુવાહાટી ખાતે આયોજિત ખેલો ઇન્ડિયા-2020માં ગુજરાત માટે તરણ સ્પર્ધામાં સતત ત્રણ ગોલ્ડ મેડલ સાથે હેટ્રીક કરી છે.
ગુજરાતની જલપરી કલ્યાણીએ 'ખેલો ઈન્ડિયા' તરણ સ્પર્ધામાં મેળવ્યો ત્રીજો ગોલ્ડ મેડલ કલ્યાણી સક્સેનાએ 'ખેલો ઈન્ડિયા'માં થયેલી ત્રણ સ્પર્ધામાં ત્રીજો ગોલ્ડ મેડલ મેળવી માત્ર સુરત જ નહીં પરંતુ સમગ્ર ગુજરાતનું નામ રોશન કર્યું છે. મહિલા અંડર-21 કેટેગરીમાં કલ્યાણીએ 200 મીટર બ્રેસ્ટ સ્ટ્રોકમાં ત્રીજો ગોલ્ડ મેડલ મેળવ્યો છે. તેમણે આ કીર્તિ માત્ર 02:49:97ના સમયગાળા સાથે પ્રાપ્ત કરી છે. અગાઉ પણ કલ્યાણી આ સ્પર્ધામાં 2 ગોલ્ડ અને 2 બ્રોન્ઝ મેડલ મેળવી ચૂકી છે અને ત્રીજો ગોલ્ડ મેળવી કલ્યાણીએ હેટ્રિક સર્જી છે. આ હેટ્રિક સાથે જ, અત્યારસુધીમાં આ સિદ્ધિ મેળવનાર એક માત્ર તરવૈયામાં કલ્યાણીના નામનો સમાવેશ થઇ ગયો છે.
ગુજરાતની જલપરી કલ્યાણીએ 'ખેલો ઈન્ડિયા' તરણ સ્પર્ધામાં મેળવ્યો ત્રીજો ગોલ્ડ મેડલ કલ્યાણીએ પ્રથમ 100 મીટર બ્રેસ્ટ સ્ટોકમાં 01:20:25 સમય સાથે ગોલ્ડ મેડલ મેળવ્યો હતો. બીજો ગોલ્ડ મેડલ તેમણે 400 મીટર આઈ.એમમાં 05:21:83 સમય સાથે મેળવ્યો હતો, જ્યારે ત્રીજો ગોલ્ડ 200 મીટર બ્રેસ્ટ સ્ટ્રોકમાં 02:49:97 સમયગાળા સાથે પ્રાપ્ત કર્યો છે. ત્યારબાદ તેમણે અંડર-21 ગર્લ્સ ગૃપમાં 200 મીટર આઈ.એમમાં 02:36:11ના સમય સાથે બ્રોન્ઝ મેડલ તેમજ 50 મીટર બ્રેસ્ટ સ્ટ્રોકમાં 00:37:87ના સમય સાથે બ્રોન્ઝ મેડલ પ્રાપ્ત કર્યો છે.
કલ્યાણીએ 'ખેલો ઈન્ડિયા'માં ત્રણ ગોલ્ડ અને બે બ્રોન્ઝ સહિત કુલ 5 મેડલ પ્રાપ્ત કર્યા છે. કલ્યાણી સક્સેના સુરતની વીર નર્મદ દક્ષિણ ગુજરાત યુનિવર્સિટીની સી.બી.પટેલ અને જે.એન.એમ.પટેલ સાયન્સ કૉલેજમાં SY,BSCમાં અભ્યાસ કરે છે. કલ્યાણી ઉપરાંત સુરતની જ સ્વિમર સિલ્કી નાગપુરેએ 200 મીટર બ્રેસ્ટ સ્ટ્રોકમાં 03:02:10 સમય સાથે સિલ્વર મેડલ પ્રાપ્ત કરીને સુરતને ગૌરવ અપાવ્યું છે.
