સુરત : ઉન વિસ્તારમાં TRB જવાન અને અન્ય એક યુવક વચ્ચે કોઈક કારણોસર માથાકૂટ થઈ હતી. જે બાદ યુવકે TRB જવાન પર હુમલો કરતા માથાના ભાગે ઇજા પહોંચી હતી. આ ઘટનાના પગલે સ્થળ પર પહોંચેલી પોલીસે હુમલો કરનાર યુવકની અટકાયત કરતા સબંધીઓ અને પોલીસ વચ્ચે ઝપાઝપીના દ્રશ્યો સર્જાયા હતા. ઇજાગ્રસ્ત TRB જવાનને સારવાર અર્થે નવી સિવિલ હોસ્પિટલ ખાતે ખસેડવામાં આવ્યો હતો.
યુવક અને TRB જવાન વચ્ચે માથાકૂટ બાદ TRB જવાન પર હુમલો સુરતના ઉન વિસ્તારમાં આવેલા સનામિલ નજીક પોઇન્ટ પર હાજર TRB જવાન પર યુવકે માથાના ભાગે હુમલો કરતા પોલીસે અટકાયત કરી હતી. જે બાદ યુવકના પરિવારજનો સ્થળ પર પહોંચી જતા ઝપાઝપીના દ્રશ્યો સર્જાયા હતા. TRB પોલીસની પરિવારજનો સાથે ઝપાઝપી થતા અન્ય પોલીસ કર્મચારીઓએ વચ્ચે પડી મામલો થાળે પાડ્યો હતો.
યુવક અને TRB જવાન વચ્ચે માથાકૂટ બાદ TRB જવાન પર હુમલો જો કે, ઇજાગ્રસ્ત TRB જવાનને સારવાર અર્થે નવી સિવિલ હોસ્પિટલ ખાતે ખસેડવામાં આવ્યો હતો. જ્યારે ઘટના અંગે સચિન GIDC પોલીસે આગળની કાર્યવાહી હાથ ધરી છે.
