જસદણની આલ્ફા હોસ્ટેલમાં સરકારની ગાઈડલાઈન્સના ઉડ્યા લીરેલીરા

કોરોના મહામારીને ધ્યાનમાં રાખીને તમામ શૈક્ષણિક સંસ્થાઓ બંધ રાખવામાં આવી છે. રાજકોટમાં સરકારી ગાઈડ લાઈન્સની અવગણના કરીને આલ્ફા હોસ્ટેલમાં 500 વિદ્યાર્થીઓને કોચિંગ આપવામાં આવતુ હતુ જે બાબતે પોલીસે કાર્યવાહી કરવામાં આવી હતી.

• રાજકોટમાં સરકારી ગાઈડલાઈન્સને અવગણવામાં આવી
• આલ્ફા હોસ્ટેલમાં 500થી વધુ વિદ્યાર્થીઓના ચાલતા હતા કોચિંગ ક્લાસ
• હોસ્ટેલના સંચાલક વિરૂદ્ધ કરવામાં આવી કાર્યવાહી

રાજકોટ : કોરોના કાળમાં તમામ શિક્ષણ સંસ્થાઓ બંધ છે પણ કેટલાક લોકો મહામારીમાં પણ પૈસૈ કમાવવાના અવસર શોધતા હોય છે અને બીજાના જીવ મુશ્કેલીમાં મુકતા હોય છેે. રાજકોટની આલ્ફા હોસ્ટેલમાં 500 વિદ્યાર્થીઓને રાખી ટ્યુશન આપવામાં આવી રહ્યું હતું. તંત્રને આ બાબતે જાણ થતા જસદણ મામલતદાર દ્વારા પોલીસને સાથે રાખી રેડ પાડવામાં આવી હતી. સમગ્ર મામલે હોસ્ટેલના સંચાલક જયસુખ સંખારવાને રંગેહાથ પોલીસે પકડી પાડ્યો હતો તેમજ તેમની વિરુદ્ધ જાહેરનામા ભંગનો ગુનો જસદણ પોલીસમાં મામલતદાર દ્વારા નોંધવામાં આવ્યો છે.

આ પણ વાંચો : ડાંગ માટે મેના ત્રીજા સપ્તાહે પણ સારા સમાચાર : "કોરોના"ના રિકવરી રેટમાં થયો સુધારો

બાળકોનું મેડિકલ ચેકઅપ કરવામાં આવ્યું હતું

રાજકોટ,અમદાવાદ,મહેસાણા,બસકાંઠા, સહિતના જિલ્લાના બાળકો હોસ્ટેલમાં રાખવામાં આવ્યા હતા. સરકારી નિયમોની અવગણના કરીન ધોરણ 5ના 500થી વધુ વિદ્યાર્થીના કોચિંગ ક્લાસ હોસ્ટેલમાં ચાલુ હતા. તંત્ર દ્વારા કાયદેસરની કાર્યવાહી કરવામાં આવી હતી. મામલતદાર દ્વારા તમામ બાળકોનું મેડિકલ ચેકઅપ કરવામાં આવ્યું હતું અને 24 કલાકમાં વિદ્યાર્થીઓને પોતાના માતાપિતા પાસે મોકલવા મામલતદારે લેખિત બાહેધંરી લીધી હતી.