જૂનાગઢઃ જિલ્લામાં તેમજ તેના આસપાસના જિલ્લાઓમાં સતત અને ધોધમાર વરસાદને કારણે ખેતીના પાકોને વ્યાપક પ્રમાણમાં નુકશાન થયું છે, ત્યારે ભારતીય કિસાન સંઘે રાજ્ય સરકાર સમક્ષ ખેડૂતોને નુકસાનીનું વળતર આપવાની માગ કરી છે.
જૂનાગઢ, પોરબંદર, ગીર સોમનાથ સહિત સૌરાષ્ટ્રના મોટાભાગના જિલ્લાઓમાં છેલ્લા એક અઠવાડિયાથી ભારે વરસાદ પડ્યો છે, જેને કારણે કેટલાક ગામો આજે પણ બેટમાં ફેરવાયેલા જોવા મળી રહ્યાં છે. તેમજ કેટલાક ગામોના ખેતરોમાં આજે પણ પાણી ભરાયેલા છે ત્યારે આવી પરિસ્થિતિમાં ખેડૂતોની વહારે ભારતીય કિસાન સંઘ આવ્યું છે.
ભારતીય કિસાન સંઘે ચોમાસુ પાકને થયેલા નુકસાનનું વળતર આપવા રાજ્ય સરકાર સમક્ષ કરી માગ