સાટાપેટું આયું! પેટ્રોલ-ડીઝલની ચૂકવણીમાં આવું કરી જૂનાગઢના ખેડૂતોએ કર્યો અનોખો વિરોધ

પેટ્રોલ અને ડીઝલમાં સતત વધી રહેલા ભાવોનો અનોખો વિરોધ જૂનાગઢમાં જોવા મળ્યો હતો. ડીઝલ અને પેટ્રોલમાં સતત વધી રહેલા ભાવોનો જૂનાગઢના ખેડૂતોએ અનોખી રીતે વિરોધ કર્યો છે. ડીઝલ ભરાવીને ઘઉં તેમ જ પેટ્રોલ ભરાવીને તેના બદલામાં જુવાર આપીને ખેડૂતોએ અનોખો વિરોધ નોંધાવ્યો હતો. આપને યાદ કરાવીએ કે જૂના જમાનામાં આ પ્રકારના ચૂકવણાં બાર્ટર સીસ્ટમ તરીકે જાણીતાં હતાં.

જૂનાગઢઃ સતત વધી રહેલા પેટ્રોલ અને ડીઝલના ભાવને લઇને જૂનાગઢના ખેડૂતોએ અનોખી રીતે વિરોધ કર્યો છે. છેલ્લા દસ દિવસથી પેટ્રોલ અને ડીઝલના ભાવોમાં સતત વધારો જોવા મળી રહ્યો છે. પાછલા દસ દિવસમાં ડીઝલ અને પેટ્રોલમાં સરેરાશ 10 રૂપિયા જેટલો પ્રતિ લિટરે વધારો જોવા મળી રહ્યો છે જેને લઇને ખેડૂતોમાં ભારે રોષ જોવા મળતો હતો. જેનો આજે ગુરુવારે જૂનાગઢમાં વિરોધ પણ જોવા મળ્યો છે.

જૂનાગઢના ખેડૂતોએ પોતાના ટ્રેક્ટરમાં ડીઝલ ભરાવીને તેના ચૂકવણામાં કૃષિ જણસ ઘઉં પેટ્રોલપંપ સંચાલકને આપ્યાં હતાં. તો અન્ય એક બાઇક ચાલક ખેડૂતે પોતાની બાઈકમાં પેટ્રોલ ભરાવીને સંચાલકને જુવાર ચૂકવણા તરીકે આપી હતી. જે પ્રકારે પેટ્રોલ અને ડીઝલના ભાવોમાં સતત વધારો જોવા મળી રહ્યો છે તેને લઈને દરેક વર્ગમાં ભારે રોષ જોવા મળી રહ્યો છે. પરંતુ કોઈ બહાર નીકળતાં નથી ત્યારે આજે જગતનો તાત પેટ્રોલિયમના ભાવવધારાને લઇને વિરોધ પ્રદર્શન માટે બહાર નીકળી રહ્યો છે.

સાટાપેટું આયું! પેટ્રોલ-ડીઝલની ચૂકવણીમાં આવું કરી જૂનાગઢના ખેડૂતોએ કર્યો અનોખો વિરોધ