જામનગર: દેવભૂમિ દ્વારકાના આરાધના ધામ પાસે બીટ કોઈન ફેમ નિશા ગોંડલીયા પર ફાયરિંગ થયાની ઘટનામાં નવો વળાંક આવ્યો છે. નિશા ગોંડલીયા ભુમાફિયા જયેશ પટેલના પ્રકરણમાં ચર્ચામાં આવી હતી અને બીટ કોઈન મામલે પણ ચર્ચામાં આવી હતી.
નિશા ગોંડલીયા પર ફાયરિંગની ઘટના ક્રમશ:
જામનગરની નિશા ગોંડલીયા પર થોડા સમય પહેલા કારમાં આવેલા ત્રણ શખ્સોએ નિશા ગોંડલીયા પર ફાયરિંગ કર્યું હતું. જો કે નિશા ગોંડલીયાને ફાયરિંગમાં માથાના ભાગે ઇજા પહોંચી હતી અને બાદમાં નજીકના પોલીસ સ્ટેશનમાં ફરિયાદ પણ નોંધવી હતી. જો કે જામનગર SP અને દેવભુમી દ્વારકા SP એ સમગ્ર મામલે તપાસ શરૂકરી હતી. સમગ્ર કેસની તપાસ LCBને સોંપવામાં આવી હતી.
નિશા ગોંડલીયાએ યશપાલસિંહ જાડેજા અને તેના સાગરીતો પર લગાવ્યો હતો આરોપ
જામનગરમાં પોતાના ભાઈના લગ્નમાં કરોડો રૂપિયા ઉડાવનાર યશપાલસિંહ અને જશપાલસિંહ જાડેજા પર ફાયરિંગનો નિશા ગોંડલિયાએ આરોપ લગાવ્યો હતો. જોકે સમગ્ર કેસની તપાસ જામનગર SOGને સોંપવામાં આવી છે.
ઈટીવી ભારતે નિશા ગોંડલીયા સાથે સંપર્ક સાધવાનો પ્રયાસ કર્યો હતો, પરંતુ નિશા ગોંડલીયાનો ફોન બંધ આવતા સમગ્ર મામલો વધુ શંકાસ્પદ બન્યો છે.