કેસમાં વધારો: રાજ્યમાં 24 કલાકમાં 23 પોઝિટિવ કેસ નોંધાયા, એક મૃત્યુ

ગુજરાત રાજ્યમાં કોરોનાના કેસ એપ્રિલ અને મે મહિનામાં સતત વધી રહ્યા હતા. જે બાદ જૂન- જુલાઈ અને ઓગસ્ટમાં કેસે નીચે તરફ આવી રહ્યા હતા અને કોરોના સંક્રમણ કાબુ કરવા રાજ્ય સરકાર સફળ નીવડી હતી. હવે રાજ્યમાં ફરી કેસોમાં ધીમી ગતિએ વધારો થઈ રહ્યો છે. ઓક્ટોબર માસની 5 તારીખે પણ સમગ્ર રાજ્યમાં 4 કોર્પોરેશન જેવા કે, અમદાવાદ, વડોદરા અને સુરત કોર્પોરેશનમાં કેસ નોંધાયા છે. 33 જિલ્લામાંથી ફક્ત 5 જેવા કે વલસાડ, જૂનાગઢ, ખેડા, નવસારી જિલ્લામાં કોરોના પોઝિટિવ કેસ નોંધાયા છે. આમ સમગ્ર રાજ્યમાં છેલ્લા 24 કલાકમાં ફક્ત 23 કોરોના પોઝિટિવ કેસ નોંધાયા છે.

• છેલ્લા 24 કલાકમાં 23 પોઝિટિવ કેસ નોંધાયા
• 14 દર્દીઓ કોરોનાને માત આપી
• સમગ્ર રાજ્યમાં ફક્ત 4 કોર્પોરેશન અને 5 જિલ્લામાં કેસ
• અમદાવાદ-1, વડોદરા- 1, સુરત- 4 અને રાજકોટમાં 2 કેસ
• રાજ્યના તમામ જિલ્લામાં સિંગલ ડિજિટમાં પોઝિટિવ કેસ

ગાંધીનગર: રાજ્ય સરકારના આરોગ્ય વિભાગ દ્વારા બહાર પાડવામાં આવતી કોરોનાની યાદીમાં છેલ્લા 24 કલાકની વાત કરવામાં આવે તો રાજ્યના 4 કોર્પોરેશન જેવા કે સુરત, વડોદરા, અમદાવાદ અને રાજકોટ કોર્પોરેશન વિસ્તારમાં કોરોના પોઝિટિવ કેસ નોંધાયા છે. અમદાવાદ અને સુરતમાં ધીમી ગતિએ કોરોના કેસમાં સતત વધારો થઈ રહ્યો છે. અમદાવાદમાં છેલ્લા 24 કલાકમાં 1 પોઝિટિવ કેસ નોંધાયો છે, જ્યારે એક પણ દર્દીને રજા આપવામાં આવી નથી.

આજે 5,12,552 નાગરીકો વેક્સિન અપાઈ

5 ઓક્ટોબરના રોજ રાજ્યમાં કુલ 5,12,552 નાગરિકોને વેક્સિન આપવામાં આવી છે. 18 વર્ષથી વધુ વયના 1,39,609 નાગરિકોને પ્રથમ ડોઝ આપવામાં આવ્યો છે. 2,29,698 નાગરિકોને બીજો ડોઝ આપવામાં આવ્યો છે. સમગ્ર રાજ્યમાં કુલ 6,25,22,653 નાગરિકોનું રસીકરણ કરવામાં આવ્યું છે.

રાજ્યમાં એક્ટિવ કેસ 180 ની બહાર

રાજ્યની વર્તમાન પરિસ્થિતિની જો વાત કરવામાં આવે તો રાજ્યના આરોગ્ય વિભાગ તરફથી મળતી માહિતી પ્રમાણે કુલ 180 જેટલા એક્ટિવ કેસ છે. જેમાં 3 વેન્ટિલેટર પર અને 177 દર્દીઓ સ્ટેબલ છે અને કુલ 10,083 દર્દીના સારવાર દરમિયાન મૃત્યુ નોંધાયા છે. અત્યાર સુધીમાં કુલ 8,15,776 દર્દીઓએ કોરોનાને માત આપી છે. ગુજરાતમાં રિકવરી રેટ 98.76 ટકા સુધી પહોંચ્યો છે.