રાજ્ય સરકારે નવો નિર્ણય કર્યો જાહેર, હવે લાયસન્સ કોઈ પણ જિલ્લામાંથી મેળવી શકાશે

ગાંધીનગરઃ રાજ્યમાં વાહનચાલકોને વાહન ચલાવવા માટે પરવાનગી એટલે કે લાયસન્સ મેળવવું ફરજીયાત છે, જ્યારે આ લાયસન્સમાં ડુબલીકેટની પ્રોસેસ પણ આવે છે, ત્યારે પહેલાં આ નિયમ પ્રમાણે જે વ્યક્તિએ જે આરટીઓમાંથી લાયસન્સ ઇસ્યુ કરાવ્યું હોય તે જ આરટીઓમાં તેઓ કામ કરાવી શકે છે. પરંતુ રાજ્ય સરકારે નવો નિર્ણય જાહેર કર્યો છે.

રાજ્ય સરકારે નવો નિર્ણય જાહેર કર્યો છે. હવે ગુજરાતનો કોઈપણ લાયસન્સ ધારક પોતાનું લાયસન્સ રીન્યુ અથવા ડુપ્લીકેટ મેળવવા માટે રાજ્યની કોઈ પણ આરટીઓમાં અરજી કરીને ત્યાંથી તેઓ લાયસન્સ મેળવી શકશે.

આ બાબતે ટ્રાન્સપોર્ટ વિભાગના સૂત્રોના જણાવ્યા અનુસાર આ નિયમ સમગ્ર રાજ્યમાં લાગુ કરવામાં આવ્યો છે. જેથી કોઈપણ વ્યક્તિ અન્ય કોઈ ગુજરાતની આરટીઓમાં અરજી કરીને તેઓ સરળતાથી લાયસન્સ મેળવી શકશે. જ્યારે આ નિર્ણયથી લોકોનો જે સમય બગડતો હતો. તે પણ હવે બગડશે નહીં સાથે જ તેઓ સરળતાથી કામ કરી શકશે.

જ્યારે મોટા શહેરોમાં એકજ આરટીઓ હોવાને કારણે ત્યાં વધુ પડતું કામનું ભારણ જોવા મળતું હતું. તે હવે કામનું ભારણ પણ ઓછું થશે .વિધાનસભા સત્રમાં આ પ્રકારના નિયમ લઇ આવવા માટેનો નિર્ણય કરવામાં આવ્યો હતો. પરંતુ આજે આ નિર્ણય રાજ્યમાં થવાથી હવે લાયસન્સ ધારક વગર સમય બગાડી અને આસાનીથી પોતાનું લાયસન્સ અન્ય જિલ્લામાંથી અથવા તો અન્ય આરટીઓમાંથી સરળતાથી મેળવી શકશે.