ચિલ્ડ્રન્સ યુનિવર્સિટીનો પ્રથમ પદવીદાન સમારંભ યોજાયો, રાજ્યપાલ આચાર્ય દેવવ્રત રહ્યા ઉપસ્થિત

ગાંધીનગમાં ચિલ્ડ્રન્સ યુનિવર્સિટી ખાતે પ્રથમ વખત પદવીદાન સમારંભ યોજાયો હતો. જેમાં ગુજરાત રાજ્યના રાજ્યપાલ આચાર્ય દેવવ્રત પણ હાજર રહ્યા હતા અને તેમણે વિદ્યાર્થીઓને પદવી એનાયત કરી હતી.

• ચિલ્ડ્રન્સ યુનિવર્સિટીનો પ્રથમ પદવીદાન સમારોહ યોજાયો
• રાજ્યપાલ દેવવ્રત આચાર્ય દ્વારા એનાયત કરાઈ ડીગ્રી
• સરકારે 30 એકર જમીનની ફાળવણી કરી

ગાંધીનગર: દેશના વડાપ્રધાન નરેન્દ્ર મોદી જ્યારે ગુજરાતના મુખ્યપ્રધાન હતા, ત્યારે તેમણે પ્રથમ વખત સમગ્ર વિશ્વમાં ચિલ્ડ્રન્સ યુનિવર્સિટીનો ગાંધીનગર ખાતે પ્રારંભ કરાવ્યો હતો. યુનિવર્સિટી મોદીના સમયકાળ દરમિયાન શરૂ કરવામાં આવી હતી, ત્યારે આજે પ્રથમ વખત પદવીદાન સમારંભ યોજાયો હતો. જેમાં ગુજરાત રાજ્યના રાજ્યપાલ આચાર્ય દેવવ્રત પણ હાજર રહ્યા હતા અને તેમણે વિદ્યાર્થીઓને ડિગ્રી એનાયત કરી હતી.

સરકારે 30 એકર જમીનની ફાળવણી કરી

રાજ્યના તત્કાલીન મુખ્યપ્રધાન નરેન્દ્ર મોદીએ તેમના સમયકાળ દરમ્યાન જ યુનિવર્સિટીનો પ્રારંભ કરાવ્યો હતો, ત્યારે રાજ્ય સરકાર દ્વારા ગીફ્ટ સીટીની બાજુમાં આવેલા શાહપુર ગામની આસપાસ 30 એકરની જમીન ચિલ્ડ્રન્સ યુનિવર્સિટીને આપવામાં આવી છે. જેમાં આવનારા સમયમાં ચિલ્ડ્રન્સ યુનિવર્સિટી પોતાના અનેક પ્રોજેક્ટ અને નવા બિલ્ડિંગ બનાવીને યુનિવર્સિટીનો વ્યાપ વધારવામાં આવશે.

ચિલ્ડ્રન્સ યુનિવર્સિટી

92 જેટલા વિધાર્થીઓને આપવામાં આવી ડીગ્રી

ચિલ્ડ્રન્સ યુનિવર્સિટીના પ્રથમ પદવીદાન સમારંભ કાર્યક્રમમાં 92 જેટલાં વિદ્યાર્થીઓને ડિગ્રી એનાયત કરવામાં આવી હતી, જ્યારે અનેક એવા વિદ્યાર્થી હતા કે જેમને ગોલ્ડ મેડલ પણ એનાયત કરવામાં આવ્યો હતો. મહત્વની જો વાત કરવામાં આવે તો ચિલ્ડ્રન્સ યુનિવર્સિટીમાં પ્રથમ પદવીદાન સમારોહ બાબતે રાજ્યપાલે તમામ વિદ્યાર્થીઓને અભિનંદન પાઠવ્યા હતા. આ સાથે જ આ પ્રથમ ડિગ્રી તેમના જીવનમાં હંમેશા યાદ રહેશે તેવું પણ વક્તવ્ય આપ્યું હતું.

ચિલ્ડ્રન્સ યુનિવર્સિટી વિશ્વની પ્રથમ યુનિવર્સિટી

સમગ્ર વિશ્વમાં ફક્ત ગુજરાત ખાતે જ ચિલ્ડ્રન્સ યુનિવર્સિટી આવેલી છે. જે વિશ્વની પ્રથમ ચિલ્ડ્રન્સ યુનિવર્સિટી છે. આ યુનિવર્સિટીની જોબ વાત કરવામાં આવે તો ગર્ભમાં રહેલા બાળકના વિકાસ અને અન્ય કામકાજ પર ધ્યાન આપે છે.