કમિશન વધારવાની માંગને લઇ ગાંધીનગરમાં 1 કલાક બંધ રહ્યા સીએનજી પંપ

પેટ્રોલ અને સીએનજી પંપની કમિશન વધારવાની માંગ છેલ્લા કેટલાક સમયથી થઇ રહી છે, ત્યારે ગુજરાતભરમાં સીએનજી એક કલાક બંધ રહેશે, ત્યારે ગાંધીનગરમાં પણ સીએનજી પંપ કમિશન વધારવાની માંગને લઇને બપોરના એક કલાક બંધ રહ્યા હતા. તો સેકટર 11ના પેટ્રોલ પંપ દ્વારા એવો પણ નિર્ણય કરાયો હતો કે, આજના દિવસે એટલે કે ગુરુવારે તેઓ એક પણ પેટ્રોલ ટેંક નહીં મંગાવે.

• ગાંધીનગરમાં એક કલાક બંધ રહ્યા સીએનજી પંપ
• ચાર વર્ષથી ડીલર એસોસીએશન કમિશન વધારવાની માંગ કરે છે
• કેટલાક પેટ્રોલ પંપ ગુરુવાર દરમિયાન એક કલાક ચાલુ પણ રહેતા હોય છે

ગાંધીનગર : પેટ્રોલ, ડીઝલ, સી.એન.જી.માં કમિશન વધારવાની માંગ ગુજરાત ભરમાં પેટ્રોલ-ડીઝલ અને સીએનજી પંપ ચલાવતા માલિકો દ્વારા કરવામાં આવી રહી છે. જેને લઇને એસોસિએશન દ્વારા અમદાવાદમાં ધરણા પણ ચાલી રહ્યા છે, ત્યારે દર ગુરુવારે હવેથી એક કલાક સીએનજી પંપ બંધ રાખવા એસોસિએશન દ્વારા કહેવામાં આવ્યું છે. જેથી ગાંધીનગરમાં પણ આજના દિવસે સીએનજી પંપ એક કલાક બંધ રાખવામાં આવ્યા હતા.

આ પણ વાંચો- આજે સતત 31મા દિવસે પણ Petrol-Dieselની કિંમત સ્થિર, સરકારે સામાન્ય લોકોને આપ્યો ઝટકો

દર ગુરૂવારે સીએનજી પંપ બપોરના 1થી 2 કલાક દરમિયાન બંધ રહેશે

સેક્ટર 11માં આવેલા પેટ્રોલ પંપના મેનેજર દર્શનભાઈ પટેલે કહ્યું કે, છેલ્લા ચાર વર્ષથી ડીલર એસોસિએશન કમિશન વધારવાની માંગ કરી રહ્યું છે. જેથી ડીલર એસોસિએશને હવેથી નક્કી કર્યું છે કે, દર ગુરૂવારે સીએનજી પંપ બપોરના 1થી 2 કલાક દરમિયાન બંધ રાખવો જે હેતુથી ગાંધીનગરમાં પણ આ નિયમનુ પાલન કરવામાં આવશે. આ ઉપરાંત અમે પેટ્રોલ પંપ પર દર ગુરુવારે પેટ્રોલની ટાંકી નહીં મંગાવીએ. આમ આ રીતે પેટ્રોલ પંપ દ્વારા કમિશનની માંગણીઓને લઇને વિરોધ નોંધાવવામાં આવ્યો હતો.

ગાંધીનગરમાં પાંચ સીએનજી પેટ્રોલ પંપ આવેલા છે

ગાંધીનગરમાં સીએનજીના પાંચ પેટ્રોલ પંપ આવેલા છે. જેમાં એવરેજ એક સીએનજી પંપ પરથી ચાર હજાર કિલો આજુબાજુ સીએનજી વપરાય છે. પાંચમાંથી 2 મોટા સીએનજી પંપ છે. એટલે કે, એક અંદાજ મુજબ ગાંધીનગરમાં 20થી 30 હજાર કિલોથી વધુ સીએનજી વપરાતો હશે.

કમિશન વધારવાની માંગને લઇ ગાંધીનગરમાં 1 કલાક બંધ રહ્યા સીએનજી પંપ

આ પણ વાંચો- આજે સતત 32મા દિવસે Petrolની કિંમતમાં વધારો નહીં, એક મહિના પછી આજે Dieselની કિંમત 20 પૈસા ઘટી

પેટ્રોલ પંપ બંધ રાખવાના નિર્ણયમાં કેટલોક વિરોધાભાસ પણ જોવા મળ્યો

એક કલાક સીએનજી પેટ્રોલ પંપ બંધ રાખવાના નિર્ણયમાં કેટલોક વિરોધાભાસ પણ જોવા મળ્યો હતો. સૂત્રોના જણાવ્યા અનુસાર સીએનજીના ચાલી રહેલા ગુજરાત ભરના જુદા-જુદા પેટ્રોલ પંપ પૈકી કેટલાક પેટ્રોલ પંપ ગુરુવાર દરમિયાન એક કલાક ચાલુ રહેતા હોય છે.