રાજ્યમાં 18થી 44 વયના 55,235 યુવાનોને વેક્સિનનો પ્રથમ ડોઝ અપાયો

રાજ્યમાં એપ્રિલ મહિનાથી કોરોના કેસમાં સતત વધારો થઈ રહ્યો છે અને રિકવરી રેટમાં સતત ઘટાડો થઇ રહ્યો છે. છેલ્લાં 24 કલાકની અંદર 13,847 જેટલા કોરોના પોઝિટિવ કેસ નોંધાયા છે જે જ્યારે આજેસૌથી વધુ 10,582 દર્દીઓવ કોરોનાને માત આપીને ઘરે પરત ફર્યા છે. જ્યારે છેલ્લા 24 કલાકમાં 172 જેટલા કોરોનાથી મૃત્યુ પણ નોંધાયા છે.

• છેલ્લાં 24 કલાકમાં 13,847 પોઝીટીવ કેસ નોંધાયા
• 10,582 દર્દીઓએ કોરોનાને માત આપી
• છેલ્લા 24 કલાકમાં 172 દર્દીઓના મોત નિપજ્યા
• સૌથી વધુ મોત અમદાવાદમાં 21 દર્દીના મોત નોંધાયા

ગાંધીનગર: રાજ્ય સરકારના આરોગ્ય વિભાગ દ્વારા બહાર પાડવામાં આવતી કોરોનાની યાદીમાં છેલ્લા કેટલાય દિવસથી અમદાવાદમાં કેસમાં સતત વધારો થઈ રહ્યો છે. જ્યારે છેલ્લા 24 કલાકની જો વાત કરવામાં આવે તો અમદાવાદ શહેરમાં સૌથી વધુ 5000થી વધુ કોરોના પોઝિટિવ કેસ નોંધાયા હતા. જ્યારે આજે અનેક દિવસો બાદ અમદાવાદમાં છેલ્લા 24 કલાકમાં 4,980 પોઝિટિવ કેસ નોંધાયા છે, જ્યારે 3,182 જેટલા દર્દીઓએ અમદાવાદ શહેરમાં કોરોનાને માત આપી છે. જ્યારે સુરતમાં 1,795 રાજકોટમાં 605 અને બરોડામાં 547 પોઝિટિવ કેસ નોંધાયા છે.

છેલ્લાં 24 કલાકમાં 13,847 પોઝીટીવ કેસ નોંધાયા

આ પણ વાંચોઃ રાજ્યમાં છેલ્લાં 24 કલાકમાં 10,180 કોરોનાગ્રસ્ત દર્દીઓ સ્વસ્થ થયા

રાજ્યમાં આજે શનિવારે 55,235 યુવાનોને વેક્સિનેશન કરાયું

રાજ્યના આરોગ્ય વિભાગ દ્વારા કોરોનાની યાદીમાં જણાવ્યું હતું કે રાજ્યમાં જ્યારે આજે શનિવારે 98,11,863 વ્યક્તિઓના પ્રથમ ડોઝનું અને 24,92,496 વ્યક્તિઓને બીજા ડોઝનું રસીકરણ પૂર્ણ કરવામાં આવ્યું છે, જ્યારે સમગ્ર રાજ્યમાં 1,23,04,359ને રસીકરણ કરવામાં આવ્યું છે. જ્યારે કેન્દ્ર સરકાર દ્વારા આજે શનિવારે 18 વર્ષથી ઉપરના યુવાનોને રસીકરણનો ચોથો તબક્કો શરૂ કરવામાં આવ્યો છે ત્યારે આજે શનિવારે ગુજરાત રાજ્યમાં ફક્ત 10 જિલ્લાની અંદર જ વેક્સિન મૂકવાની કામગીરી શરૂ કરવામાં આવ્યું હતું.

સૌથી વધુ મોત અમદાવાદમાં 21 દર્દીના મોત નોંધાયા

18થી 44 વર્ષના યુવાનોની વેક્સિનેશનની કામગીરી હાથ ધરાઇ

જેમાં આજે શનિવારે 18થી 44 વર્ષના વ્યક્તિઓને રસીકરણ કરવામાં આવ્યું હતું જેમાં કુલ 55,235 વ્યક્તિને રસી આપવામાં આવી છે. રાજ્યમાં અત્યાર સુધી એક પણ વ્યક્તિને રસીના કારણે ગંભીર આડઅસર જોવા મળી નથી. જ્યારે રિકવરી રેટ પણ ઘટીને 73.78 ટકા જેટલો નોંધાયો છે.

આ પણ વાંચોઃ ગુજરાત કોરોના અપડેટઃ છેલ્લાં 24 કલાકમાં 9,544 દર્દીઓ થયા સ્વસ્થ

રાજ્યની વર્તમાન પરિસ્થિતિ

રાજ્યની વર્તમાન પરિસ્થિતિની જો વાત કરવામાં આવે તો રાજ્યના આરોગ્ય વિભાગ તરફથી મળતી માહિતી પ્રમાણે કુલ 1,42,139 જેટલા એક્ટિવ કેસ છે. જેમાં 637 વેન્ટિલેટર પર અને 1,44,502 દર્દીઓ સ્ટેબલ છે અને કુલ મૃત્યુ 7,355 દર્દીના સારવાર દરમિયાન મૃત્યુ નોંધાયા છે. જ્યારે અત્યાર સુધીમાં કુલ 4,29,130 દર્દીઓએ કોરોનાને માત આપી છે.