જે અંગે સમાજને જાગૃત કરી મહિલાઓ બાળકોમાં કુપોષણ અને સિકલસેલની બીમારીઓને નેસ્તનાબુદ કરી શકાય તેવા ઉદ્દેશ્યથી હળપતિ નિગમના ચેરમેન સુરેશભાઈ હળપતિના અધ્યક્ષપણા હેઠળ ઉમરગામ તાલુકામાં હળપતિ સમાજની 300થી વધુ મહિલાઓ અને પુરુષોએ કૃષિ અભિયાનમાં સહભાગી બનાવી માર્ગદર્શન આપવું તેવા અભિગમ સાથે વિશેષ માર્ગદર્શન સેમિનારનું આયોજન કરાયુ હતું.
માર્ગદર્શન સેમિનારમાં તેમને પોતાના જ ઘરમાં મહિલાઓએ શાકભાજી કેવી રીતે ઉગાડવી? રાસાયણિક ખાતરનો ઉપયોગ કરવાને બદલે સેન્દ્રીય ખાતર વાપરી કઈ રીતે પૌષ્ટિક શાકભાજીનું ઉત્પાદન કરવું? શાકભાજીની માવજત અને વાવેતર તથા ઉગાડેલી શાકભાજીનો ઘરમાં ઉપયોગ બાદ વેંચાણ કરી કઈ રીતે આર્થિક મદદ મેળવી શકાય તે અંગે નિષ્ણાંત કૃષિ વૈજ્ઞાનિક પાસેથી માર્ગદર્શન મેળવ્યું હતું. શાકભાજી ખાઓ તંદુરસ્ત રહોના સૂત્ર હેઠળ આયોજિત આ સેમિનારમાં 300થી વધુ બહેનો ઉપસ્થિત રહી હતી. જેઓને શાકભાજીના ઉપયોગી બિયારણની કીટ પણ વિનામૂલ્યે આપવામાં આવી હતી.