પુરુષ અને મહિલાના મૃતદેહ કઢંગી હાલતમાં મળી આવ્યા

સણોસરા તાલુકાના સરવડી ગામે નાળા નીચે સ્ત્રી-પુરુષનો મૃતદેહ કઢંગી હાલતમાં જોવા મળ્યો હતો. ગામ લોકોએ આ ઘટનાની જાણ પોલીસને કરતાં પોલીસ ઘટના સ્થળે આવીને તપાસ હાથ ધરી હતી.

• સીમમાં મૃતદેહ જોવા મળતાં સ્થાનિક ગામ લોકોએ પોલીસને કરી જાણ
• ઘટનાની જાણ થતાં પોલીસે ઘટના સ્થળે પહોચી તપાસ હાથ ધરી હતી
• બન્નેના મૃતદેહને પોસ્ટ મોર્ટમ અર્થે સરકારી હોસ્પિટલ ખસેડવામાં આવેલા

ભાવનગર: જિલ્લાના સિહોર તાલુકાના સરવડી ગામની સીમમાંથી એક શખ્સ તથા મહિલાનો મૃતદેહ મળી આવતા સોનગઢ પોલીસ સ્ટાફ ઘટના સ્થળે દોડી જઈ મૃતદેહનો કબ્જે કર્યો હતો. તેમજ પોસ્ટ મોર્ટમ માટે હોસ્પિટલમાં ખસેડવામાં આવ્યો હતો. પ્રાથમિક માહિતી અનુસાર બન્ને મૃતદેહ પર ઈજાના નિશાન મળી આવતા પોલીસે આ બનાવ હત્યાનો છે કે આત્મહત્યાનો તેને લઈને વધુ તપાસ હાથ ધરી છે.

આ પણ વાંચો: ભાવનગરમાં જાહેરમાં યુવકની હત્યા, લોહીલુહાણ હાલતમાં મળ્યો મૃતદેહ

સરવડી ગામની સીમમાંથી એક શખ્સ તથા મહિલાનો મૃતદેહ મળ્યો

સિહોર તાલુકાના સરવડી ગામે આજે વહેલી સવારે એક પુરષ અને એક મહિલાનો મૃતદેહ ગામની સીમમાં આવેલા નાળા નીચે બન્નેની કઢંગી હાલતમાં જોતાં ગામ લોકોએ સોનગઢ પોલીસને જાણ કરી હતી. પોલીસ કાફલો ઘટના સ્થળે દોડી જઈ તપાસ હાથ ધરી હતી. જો કે બન્ને મૃતદેહની તપાસ દરમિયાન વાગ્યાના નિશાન પણ જોવા મળતાં પોલીસ દ્વારા બન્ને મૃતદેહોને પોસ્ટ મોર્ટમ અર્થે સરકારી હોસ્પિટલ ખસેડવામાં આવ્યા છે.

આ પણ વાંચો: Suicide: ચાણસ્મા નજીક કેનાલમાં મોતની છલાંગ લગાવનારા માતા,પુત્રી અને બાળકીના મળી આવ્યા મૃતદેહ

ખરું કારણ પોસ્ટ મોર્ટમ રિપોર્ટ આવ્યા બાદ જાણવા મળશે

પોલીસ દ્વારા હાલ બન્ને મૃતદેહ અંગે પ્રાથમિક માહિતી અનુસાર હત્યા થઇ હોવાની આશંકાના આધારે તપાસ ચલાવવામાં આવી રહી છે. માહિતી અનુસાર પુરુષ ગઢુલા ગામ તેમજ મહિલા રેલીયા ગામના હોવાનું જાણવા મળેલું છે. જો કે મોત અંગેનું ખરું કારણ પોસ્ટ મોર્ટમ રિપોર્ટ આવ્યા બાદ જાણવા મળશે.