અમદાવાદઃ દેત્રોજમાં જાહેરમાં જુગાર રમતા 12 આરોપી ઝડપાયા

અમદાવાદ જિલ્લાના દેત્રોજ તાલુકાના શોભાસણ ગામમાં જાહેરમાં જુગાર રમતા 12 આરોપીની ધરપકડ કરવામાં આવી છે. દેત્રોજ પોલીસે આ તમામ આરોપીને ઝડપી રૂ. 10 હજારનો મુદ્દામાલ પણ કબજે કર્યો હતો.

અમદાવાદઃ વિરમગામ-દેત્રોજ પોલીસ મથકના પીએસઆઈ એ એન નિનામા પોલીસ સ્ટાફ સાથે દેત્રોજના અલગ અલગ વિસ્તારમાં પેટ્રોલિંગ કરી રહ્યા હતા. તે દરમિયાન તેમને બાતમી મળી હતી કે શોભાસણમાં રહેતા બાબુજી લાલાજી ઠાકોરના મકાનમાં લોકો જાહેરમાં જુગાર રમી રહ્યા છે. ત્યારબાદ પોલીસે અહીં રેડ કરીને કુલ 12 આરોપીને જુગાર રમતા રંગેહાથ ઝડપી લીધા હતા.

ઝડપાયેલા આરોપીઓમાં પંકજ બબલદાસ પટેલ, રતી કરસનભાઈ પટેલ, ખોડા ત્રિભુવનદાન પટેલ, રસિકજી નાગજી ઠાકોર, વિક્રમજી બાલસંગજી ઠાકોર, સંજયજી દિલાજી ઠાકોર, લાલાજી વેલાજી ઠાકોર, મહેશજી કલાજી ઠાકોર, મથુરજી ચુંડાજી ઠાકોર, મહેશજી ચંદુજી ઠાકોર, રમેશજી ભીખાજી ઠાકોર અને બાબુજી લાલાજી ઠાકોરનો સમાવેશ થાય છે. દેત્રોજ પોલીસે આ તમામ આરોપીને ઝડપી કુલ રૂ. 10,250નો મુદ્દામાલ પણ કબજે કર્યો હતો.