અમદાવાદ શહેરમાં ચીનનો ઠેરઠેર વિરોધ, ABVP સંગઠને નોંધાવ્યો વિરોધ

ભારત-ચીનની બોર્ડર પર સોમવારે રાત્રે બંને સૈન્ય વચ્ચે થયેલી હિંસક અથડામણમાં ભારતના કમાન્ડિંગ ઓફિસર સહિત 20 સૈનિક શહીદ થયાં છે ત્યારે દેશમાં ચીન પ્રત્યે અમદાવાદ ABVP સંગઠનના લોકોમાં ભારે રોષ જોવા મળી રહ્યો છે. ચીન પ્રત્યે રોષ વ્યક્ત કરતાં શહાદતનો જડબાતોડ જવાબ આપવા જણાવ્યું છે. લોકો ચીનને પાઠ ભણાવવા માટે ચીની માલસામાનનો સંપૂર્ણ બહિષ્કાર કરે તેવો અનુરોધ કર્યો છે

અમદાવાદઃ દેશભરમાં ચીન સામે આક્રોશ છે. ત્યારે અમદાવાદના યુવાનોમાં પણ રોષ છે. અને યુવાનો કહી રહ્યાં છે કે એક માથાંની સામે 10 માથાં લઇ આવો. હવે 56 ઇંચની છાતી દેખાડવાનો સમય આવી ગયો છે. ચીનને તેની ભાષામાં જવાબ આપવા યુવાનોએ માગ કરી છે.

અમદાવાદમાં ABVPના વિદ્યાર્થીઓએ પાલડી ચાર રસ્તા પાસે વિરોધ નોંધાવ્યો હતો. ચીનના રાષ્ટ્રપતિનું પૂતળાદહન પણ કર્યુ હતું. abvpએ લોકોને અપીલ કરી હતી કે ચીનની વસ્તુનો હવે બહિષ્કાર કરવાનો સમય આવી ગયો છે.

અમદાવાદ શહેરમાં ચીનનો ઠેરઠેર વિરોધ, ABVP સંગઠને નોંધાવ્યો વિરોધ