અમદાવાદઃ કોવિડ-૧૯ રોગચાળા સામે કંપનીના યોગદાન તરીકે નંદન ડેનિમે પ્રોટેક્ટિવ ફેશન ડેનિમ માસ્કનું કલેક્શન લોન્ચ કર્યું છે. આ માસ્કને ‘કેરમાસ્ક’ નામ અપાયું છે અને ડબલ તથા ટ્રિપલ લેયરમાં ઉપલબ્ધ છે, જેથી રોજબરોજના ઉપયોગમાં અનુકુળ છે. આ યુનિસેક્સ માસ્કને તમામ ડેનિમ પ્રેમીઓ માટે ડિઝાઇન કરાયાં છે.
નંદન ડેનિમે રિયુઝેબલ ફેસ માસ્ક ‘કેરમાસ્ક’ લોન્ચ કર્યાં આ કલેક્શનમાં પોલ્કા પ્રિન્ટ, પામ પ્રિન્ટ, ૫ ડોટ પ્રિન્ટ, સ્ટાર પ્રિન્ટ, લેઝર પ્રિન્ટ અને ઇન્ડિગો સામેલ છે. તેમાં ૧૦૦ ટકા કોટનનો ઉપયોગ થયો છે જે એન્ટી-બેક્ટેરિયલ અને એન્ટી-વાઇરલ ટ્રીટેડ છે જેથી લાંબા સમય સુધી તેને પહેરી શકાય છે. તેનું ટેક્સચર એવું છે કે તે હળવા છે અને આરામદાયક છે તથા સરળતાથી શ્વાસ લઈ શકાય છે. આ માસ્ક રિયુઝેબલ છે અને તેની ગુણવત્તાને નુકસાન પહોંચાડ્યા વગર ૩૦ વખત ધોઈ શકાય છે.
નંદન ડેનિમે રિયુઝેબલ ફેસ માસ્ક ‘કેરમાસ્ક’ લોન્ચ કર્યાં સીઇઓ દીપક ચિરિપાલે જણાવ્યું કે લોકડાઉન લાગુ થયું ત્યારથી અમે સરકારના પ્રયાસોને ટેકો આપવાના રસ્તા વિચારી રહ્યાં છીએ. સમય ઘણો બદલાયો છે અને આપણે આપણા સમુદાયને સુરક્ષિત રાખવા કામ કરવું જોઈએ. અમે હાઇજિન અને સુરક્ષાના તમામ પગલાં ધ્યાનમાં રાખીને માસ્કનું ઉત્પાદન શરૂ કર્યું છે. અમારા માસ્કની વિશેષતાના કારણે અમારા યુઝર્સને પૂરતું રક્ષણ મળશે. આ પર્યાવરણને ફાયદો પહોંચાડતી પ્રોડક્ટ છે, કારણ કે તેનો પુન:વપરાશ થઈ શકે છે અને તે કોટનમાંથી બનેલા છે. અમે હાલમાં માંગ પર નજર રાખીએ છીએ અને બજારની જરૂરિયાત પ્રમાણે ઉત્પાદન કરીશું.તેમણે જણાવ્યું કે, લોકો છીંક ખાઇને અથવા ચહેરાને ર્સ્પશ કરીને અજાણતાં બીજાને ચેપ લગાડતા હોય છે. માસ્કના ઉપયોગથી વાઇરસને ઘણાં પ્રમાણમાં રોકી શકાય કારણ કે તે ચહેરા અને મોંને ઢાંકી દે છે અને અંદર કે બહાર જતી હવાને ફિલ્ટર કરે છે અને સુરક્ષા આપે છે. તે માત્ર આપણાં માટે નહીં પરંતુ બીજા માટે પણ સાવધાની તરીકે ઉપયોગી છે.
