અગ્રેસિવ ટેસ્ટિંગ ન કર્યું હોત તો અમદાવાદમાં 2 લાખથી વધુ કેસ હોત: વિજય નહેરા

અમદાવાદ મ્યૂનિસિપલ કમિશનર વિજય નહેરાએ જણાવ્યું હતું કે, પ્રોએક્ટિવ સર્વેલન્સનું અમદાવાદમાં સારૂં પરિણામ મળી રહ્યું છે. શહેરમાં સામે ચાલીને ટેસ્ટ ન થયાં હોત તો આજે 2 લાખ કેસ નોંધાયાં હોત. હવે AMCની ટીમોમાં આત્મવિશ્વાસ વધ્યો છે.

અમદાવાદઃ સમગ્ર ગુજરાતમાં કોરોનાનું હોટ સ્પોટ બની ગયું છે. દિવસે દિવસે વધતા જતા કેસો આગામી સમય માટે ખતરાની ઘંટી સમાન છે. આજે પણ અમદાવાદમાં નવા 45 કેસ નોંધાયા છે. આ સાથે શહેરમાં કુલ પોઝિટિવ દર્દીઓની સંખ્યા 590 થયા છે.અમદાવાદમાં સામે ચાલીને કેસ શોધતા ઘણી સફળતા મળી છે. એક મહિનામાં 500 કેસ શોધાયા છે, સર્વેના કારણે 2 લાખ કેસો ઓછા કર્યા છે. બીજી બાજુ કોરોનાને લગતી ઘણી માન્યતાઓ ખોટી સાબિત થઇ રહી છે. મનુષ્યોમાં ફેલાયેલો કોરોના વાઇરસ પડકારજનક છે અને તેની દરરોજ નવી માહિતી બહાર આવી રહી છે.

અગ્રેસિવ ટેસ્ટિંગ ન કર્યું હોત તો આજે શહેરમાં 2 લાખથી વધુ કેસ હોત: વિજય નહેરા

વિજય નહેરાએ જણાવ્યું હતું કે, પ્રોએક્ટિવ સર્વેલન્સનું અમદાવાદમાં સારૂં પરિણામ મળી રહ્યું છે. શહેરમાં સામેથી ટેસ્ટ ન થયા હોત તો 2 લાખ કેસ નોંધાયા હોત. હવે AMCની ટીમોમાં આત્મવિશ્વાસ વધ્યો છે. તેમને કોટ વિસ્તારના કર્ફ્યૂ એરિયાને લઈ જણાવ્યું કે, કોટ વિસ્તારમાં લોકોમાં હજુ ગંભીરતા જોવા મળી રહી નથી. મહિલાઓ પરિસ્થિતિની ગંભીરતા સમજે. લોકોને સમજાવવા મોટો પડકાર છેવિશ્વના સૌથી વધુ ટેસ્ટ કરનારા ગ્રુપમાં અમદાવાદ પહોંચી ગયું છે. રાજ્યમાં છેલ્લાં 24 કલાકમાં 6 દર્દીઓને રજા આપી દેવામાં આવી છે. અમદાવાદમાં નવા 10676 લોકોના સેમ્પલ લેવાયાં છે. તેમાંથી ગઈકાલે 1898 સેમ્પલ લેવાયા હતાં. ગુલબાઈ ટેકરામાં કોરોનાના 7 પોઝિટિવ કેસ વિશે પણ તેમને વિગતવાર હકીકત જણાવી હતી. 12 હજાર લોકો ક્લસ્ટર ક્વોરન્ટાઈન કર્યા હોવાની વાત પણ કબૂલી હતી.