સાબરમતી આશ્રમના રી-ડેવલપમેન્ટ સામે ગાંધીવાદીઓએ કર્યો વિરોધ, જાણો શું બાબત...

અમદાવાદમાં સાબરમતી આશ્રમમાં(Sabarmati Ashram)1200 કરોડના ખર્ચે રી-ડેવલપમેન્ટ પ્રોજેકટ અમલમાં આવી રહ્યો છે. જેમાં સાબરમતી આશ્રમને વિશ્વ કક્ષાના ટુરિસ્ટ પ્લેસ તરીકે વિકસાવવાનો પ્લાન છે. ગુજરાત રાજ્ય સરકાર અને કેન્દ્રીય ગૃહપ્રધાન અમિત શાહની દેખરેખ નીચે આ પ્રોજેકટનું કામ હાથ ધરાશે. પરંતું રી-ડેવલપમેન્ટની સામે ગાંધીવાદીઓ વિરોધ કરી રહ્યા છે. તેમનું કહેવું છે કે, ગાંધીઆશ્રમને વર્લ્ડ ટુરીસ્ટ પ્લેસ બનાવવાના બદલે જેટલા પૈસા ખર્ચાય છે, તે પૈસા ગરીબો માટે ખર્ચાવા જોઈએ.

• રી-ડેવલપમેન્ટનો વિરોધ કરવા 'ગાંધી આશ્રમ આંદોલન કાર્યવાહક સમિતિ' બનાવાઇ
• ગાંધી આશ્રમના રી-ડેવલપમેન્ટની સામે ગાંધીવાદીઓએ કર્યો વિરોધ
• સાબરમતી આશ્રમનું 1200 કરોડના ખર્ચે થશે રી-ડેવલપમેન્ટ

અમદાવાદ : ગાંધી આશ્રમના રી-ડેવલપમેન્ટની સામે ગાંધીવાદીઓ વિરોધ કરી રહ્યા છે. ત્યોરે તેના જ ભાગરૂપે મહારાષ્ટ્રના સેવાગ્રામથી સાબરમતી સુધી 'સંકલ્પ સંદેશ યાત્રા''Sankalp Sandesh Yatra'નું આયોજન કરવામાં આવ્યું હતુ. આ યાત્રા 17 ઓક્ટોબરથી 24 ઓક્ટોબર સુધી ચાલી હતી. જેમા 10 રાજ્યના 45 થી પણ વધારે ગાંધીવાદીઓ જોડાયા હતા. આમ આ યાત્રા મહારાષ્ટ્રથી શરૂ થઈને સાબરમતી આશ્રમ(Sabarmati Ashram)ખાતે પૂર્ણ થઈ હતી.

શા માટે ગાંધીવાદીઓ કરી રહ્યા છે વિરોધ ?

ગાંધી આશ્રમના રી-ડેવલપમેન્ટના વિરોધમાં યાત્રા યોજાઈ હતી. અમદાવાદના ગાંધી આશ્રમને તેના મૂળ સ્વરૂપમાં અને ગાંધી મૂલ્ય મુજબ યથાવત રાખવા માટે ગાંધી વાદીઓ માંગ કરી રહ્યા છે. કેન્દ્રીય ગાંધી સ્મારક નિધિના અધ્યક્ષ રામચંદ્ર રહીએ કહ્યું હતું કે, ગાંધીઆશ્રમને વર્લ્ડ ટુરીસ્ટ પ્લેસ બનાવવાના બદલે જેટલા પૈસા ખર્ચાય છે, તે પૈસા ગરીબો માટે ખર્ચાવા જોઈએ. તમામ ગાંધીવાદીઓ આ 1200 કરોડના રી-ડેવલપમેન્ટ પ્રોજેક્ટનો વિરોધ કરશે અને તેના માટે બલિદાન આપવું પડશે તો પણ આપશે. દેશમાં પણ આ પ્રોજેક્ટના વિરોધમાં યાત્રા યોજશે.

સાબરમતી આશ્રમથી વિરાસત યાત્રા નીકળશે

ગાંધી આશ્રમના રી-ડેવલપમેન્ટનો વિરોધ કરવા માટે 'ગાંધી આશ્રમ આંદોલન કાર્યવાહક સમિતિ''Gandhi Ashram Movement Working Committee' પણ બનાવવામાં આવી છે. જેમાં દેશના અગ્રણી ગાંધીવાદીઓ જોડાયા છે. તેમણે કહ્યું હતું કે, સરકાર ગાંધી આશ્રમનું સંચાલન પોતાના હસ્તક લેવા માંગે છે. અમે ઇચ્છીએ છીએ કે સરકાર આ રી-ડેવલપમેન્ટ પ્લાન પરત ખેંચે. અમે ગાંધી ચીંધ્યા માર્ગે આ પ્રોજેક્ટનો વિરોધ કરીશું અને સાબરમતી આશ્રમથી વિરાસત યાત્રા કાઢશું.

આ પણ વાંચો ;કચ્છના માતાના મઢ ખાતેથી મળ્યું જેરોસાઇડ, NASAના વૈજ્ઞાનિકો આવીને કરશે સંશોધન

આ પણ વાંચો ; જાણો કઈ રીતે સુરતને મળી 'ઓર્ગન ડોનેટ સિટી' તરીકેની ઓળખ