અમદાવાદમાં પિતાની રિવોલ્વરથી લમણે ગોળી મારી વેપારીએ કર્યો આપઘાત

અમદાવાદઃ જિલ્લાના વસ્ત્રાપુર વિસ્તારમાં સનરાઈસ પાર્કમાં રહેતા વેપારીએ ગુરૂવારે પોતાના ઘરમાં જ પિતાની લાયસન્સ વાળી બંદૂક વડે લમણે ગોળી મારી આત્મહત્યા કરી લીધી છે. આ મામલે પોલીસે અકસ્માતે મોતનો ગુનો નોંધી તપાસ હાથ ધરી છે.

વસ્ત્રાપુરમાં રહેતા ગુરમિતસિંહ નામના વેપારીના લગ્ન બાદ છૂટાછેડા થયા હતા. જેથી ગુરમિતસિંહ ડિપ્રેશનમાં રહેતો હતો. જેને કારણે તેમણે પોતાના પિતાની જ રિવોલ્વરથી ઘરના બાથરૂમમાં લમણે ગોળી મારી આત્મહત્યા કરી હતી. પોલીસને જાણ થતાં ઘટના સ્થળે પહોંચી અને તપાસ શરૂ કરી હતી. આ મામલે પોલીસે વધુ કાર્યવાહી હાથ ધરી છે.