અમદાવાદ મનપાની પહેલઃ ગાડીમાંથી ઉતર્યા વગર જ કરાવી શકાશે RT-PCR ટેસ્ટ

ભારતમાં અમદાવાદ મનપાએ કોરોના ટેસ્ટિંગ માટે અનોખી પહેલ કરી છે. 14 એપ્રિલથી GMDC ગ્રાઉન્ડ ખાતે ડ્રાઇવ થ્રુ RT-PCR ટેસ્ટ કરવામાં આવશે. જેમાં લોકો પોતાની ગાડીમાંથી નીચે ઉતર્યા વિના જ ટેસ્ટીંગ કરાવી શકશે. આ પહેલ મનપા અને ન્યુ બર્ગ સુપ્રાટેક લેબોરેટરીના PPP ધોરણે શરુ કરવામાં આવી છે.

• GMDC ગ્રાઉન્ડ ખાતે શરૂ કરાશે ડ્રાઇવ થ્રુ RT-PCR ટેસ્ટ
• મનપા અને ન્યુ બર્ગ સુપ્રાટેક લેબોરેટરીના PPP મોડેલથી શરુ કરાઈ પહેલ
• લોકો પોતાની ગાડીમાંથી નીચે ઉતર્યા વિના જ કરાવી શકશે ટેસ્ટીંગ

અમદાવાદઃ સમગ્ર રાજ્યમાં કોરોના સંક્રમણ વધી રહ્યું છે, ત્યારે અમદાવાદીઓ હવે ગાડીમાંથી ઉતર્યા વિના જ ટેસ્ટ કરાવી શકશે. મહત્વનું છે કે, આ પ્રકારે પહેલ કરનારું અમદાવાદ શહેર પ્રથમ બન્યું છે. પરંતુ આ ટેસ્ટ 800 રૂપિયામાં થશે. જેને જોતા કદાચ આમ જનતાના બજેટ પર સીધી અસર કરી શકે છે. જો કે ટેસ્ટ કરાવવા આવનાર લોકોમાં સંક્રમણ ન ફેલાય તે માટેનું આ ટેસ્ટીંગ વધુ કારગર સાબિત થશે.

અમદાવાદીઓ હવેથી ગાડીમાંથી ઉતર્યા વિના જ RT-PCR ટેસ્ટ કરાવી શકશે

આ પણ વાંચોઃલુણાવાડામાં ધન્વંતરી રથ દ્વારા 58 RTPCR અને 5 રેપિડ એન્ટીજન‌ ટેસ્ટ કરાયા

કઈ રીતે કરાઈ છે વ્યવસ્થા?

GMDC ગ્રાઉન્ડ ખાતે સવારે 8થી રાત્રે 8 વાગ્યા સુધી RT-PCR ટેસ્ટ કરી આપવામાં આવશે. જેમાં ટેસ્ટ કરાવનાર ગાડીમાંથી ઉતર્યા વિના જ ટેસ્ટીંગ કરાવી શકશે. વધુમાં આ માટે કોઈ એપોઇન્મેન્ટ કે લાઈનમાં ઉભા રહ્યા વિના ટેસ્ટીંગ કરાવી શકશે. આ માટે GMDC ખાતે પાંચ કલેક્શન સેન્ટર ઉભા કરવામાં આવ્યા છે.

કઈ રીતે થશે ટેસ્ટીંગ?

આ માટે ટેસ્ટીંગ કરાવનાર વ્યક્તિએ પ્રવેશ સમયે QR ટેગ સ્કેન કરવો પડશે. જેમાં તમામ વિગતો આપી નોંધણી કરાવવી પડશે. નોંધણીના અંતે સિસ્ટમ જનરેટેડ ટોકન નંબર મળશે. તે ટેસ્ટીંગ કલેક્શન કાઉન્ટર પર બતાવવાનો રહેશે. ત્યારબાદ ટેસ્ટીંગ થશે.

અમદાવાદીઓ હવેથી ગાડીમાંથી ઉતર્યા વિના જ RT-PCR ટેસ્ટ કરાવી શકશે

આ પણ વાંચોઃમોરબીની સિવિલ હોસ્પિટલમાં RT-PCR ટેસ્ટિંગ લેબ શરૂ

ક્યારે અને કઈ રીતે મળશે રિપોર્ટ?

ટેસ્ટીંગ માટે આવનારા તમામ દર્દીઓની માહિતી સુફલામ સોલ્યુશન પ્રાઇવેટ લિમિટેડ દ્વારા તમામ સુવિધા કોમ્પ્યુટરાઇઝડ રીતે ઉભી કરવામાં આવી છે. ટેસ્ટીંગ બાદ 24થી 36 કલાકમાં રિપોર્ટ વોટ્સએપ, SMS અથવા ઇમેઇલ મારફતે મેળવી શકાશે.