અમદાવાદમાં ખાનગી સ્કૂલને પણ ટક્કર આપે તેવી આધુનિક સુવિધાથી સજ્જ સરકારી સ્માર્ટ સ્કૂલ તૈયાર

ખાનગી સ્કૂલોને પણ ટક્કર આપે તેવી સરકારી સ્કૂલ બનાવવા માટે અમદાવાદ મ્યુનિસિપલ કોર્પોરેશન ( Ahmedabad Municipal Corporation ) આગળ વધી રહ્યું છે. કોર્પોરેશન દ્વારા બહેરામપુરા વિસ્તારમાં સ્માર્ટ મોર્ડન સ્કૂલ ( Smart School ) તૈયાર કરવામાં આવી છે. જેમાં સ્માર્ટ કલાસથી લઈને સ્માર્ટ ગૂગલ ક્લાસની સાથે પ્લેટોરિયમ ડોમ ( Platorium Dome ) તૈયાર કરાયો છે જે ગુજરાતમાં પ્રથમ છે.

• બહેરામપુર વિસ્તારમાં સ્માર્ટ સ્કૂલ તૈયાર
• CCTVથી સજ્જ તેમજ આધુનિક લેબ તૈયાર કરાયા
• ખાનગી સ્કૂલોમાંથી સરકારી શાળાઓમાં આવવાનો સિલસિલો પણ વધ્યો

અમદાવાદઃ ખાનગી સ્કૂલોને પણ ટક્કર આપે તેવી સરકારી સ્કૂલ અમદાવાદ મ્યુનિસિપલ કોર્પોરેશન ( AMC ) દ્વારા બનાવવામાં આવી છે. શહેરના બહેરામપુર વિસ્તારમાં સ્માર્ટ સ્કૂલ ( Smart School ) બનાવવામાં આવી છે. હાલના જમાનામાં કોઈપણ વાલી પોતાના બાળકના એડમિશન માટે સ્કૂલોમાં કેવા પ્રકારની સુવિધા છે તે ખાસ જુએ છે, જેમાં સ્માર્ટ ક્લાસ ( Smart class ) હોય કમ્પ્યુટર ક્લાસ હોય કે પછી સારી લેબોરેટરી હોય આ તમામ પ્રકારની સુવિધા જે સ્કૂલમાં હોય તેમાં વાલી પોતાના બાળકનું એડમીશન કરાવે છે.

આધુનિક સુવિધાથી સજ્જ સ્કૂલ

બેરામપુરા શાળા નંબર 22 અને 23ને સ્માર્ટ સ્કૂલ બનાવાય

જોકે, આ બધી સુવીધા મોટાભાગે ખાનગી સ્કુલમાં જોવા મળતી હતી. પરંતુ હવે આ બધી સુવિધા સરકારી સ્કૂલ ( Government school ) માં જોવા મળશે. ત્યારે જો આવી સુવિધા સરકારી સ્કૂલમાં મળે તો ક્યાં વાલી પોતાના બાળકને ખાનગી સ્કૂલમાં ઉંચી ફી ભરીને અભ્યાસ કરવા મોકલે? અમદાવાદ સ્કૂલ બોર્ડ દ્વારા બેરામપુરા શાળા નંબર 22 અને 23ને સ્માર્ટ મોડેલ સ્કૂલ તૈયાર કરી છે. જેમાં વિદ્યાર્થીઓને તમામ પ્રકારની સુવિધા મળી રહેશે.

ગ્રાફ

36,264થી પણ વધુ વિદ્યાર્થીઓ ખાનગી સ્કૂલમાંથી સરકારી શાળાઓમાં આવ્યાં

છેલ્લા પાંચ વર્ષથી નગર પ્રાથમિક શિક્ષણ સમિતિની એટલે કે કોર્પોરેશન સંચાલિત સ્કૂલોમાં ખાનગી સ્કૂલોમાંથી સરકારી શાળાઓમાં આવવાનો સિલસિલો પણ વધ્યો છે. છેલ્લા સાત વર્ષમાં અમદાવાદ કોર્પોરેશન સ્કૂલ બોર્ડની શાળાઓમાં 36,264થી પણ વધુ વિદ્યાર્થીઓ ખાનગી સ્કૂલમાંથી સરકારી શાળાઓમાં આવ્યાં છે. જે આંકડો સરકારી સ્કૂલ ( Government School )ની ધરતી પરિસ્થિતિ અને ખાનગી સ્કૂલની મોંઘી ફી દર્શાવી રહ્યો છે. સરકારી સ્કૂલમાં એડમિશન માટે વેઇટિંગ જોવા મળી રહ્યું છે.

ગ્રાફ

શિક્ષણપ્રધાન ભુપેન્દ્રસિંહ ચુડાસમાંના હસ્તે શાળાનું ઉદ્ધાઘટન

શિક્ષણપ્રધાન ભુપેન્દ્રસિંહ ચુડાસમાંના હસ્તે આ શાળાનું ઉદ્ધાઘટન કરવામાં આવ્યું હતું. શિક્ષણ પ્રધાને જણાવ્યું હતું, કે અમે એક ધ્યેય સાથે આગળ વધી રહ્યા છીએ કે, સરકારી સ્કૂલમાં ગુણવત્તા યુક્ત શિક્ષણ મળે તે માટે અમે આગળ વધી રહ્યા છીએ. વિર્ધાર્થીઓને સારૂ શિક્ષણ આપીને ખાનગી સ્કૂલની જેમ જ શીક્ષણ સરકારી સ્કૂલમાં મળી રહે તેવા પ્રયાસો કરાયા છે. સતત કોર્પોરેશનનની સ્કૂલમાં આધુનિક સાધનો સાથે ગુણવતા યુક્ત શિક્ષણ આપવામાં આવી રહ્યું છે.

અમદાવાદમાં ખાનગી સ્કૂલને પણ ટક્કર આપે તેવી આધુનિક સુવિધાથી સજ્જ સરકારી સ્માર્ટ સ્કૂલ તૈયાર

આ પણ વાંચોઃ ગુજરાતની પ્રથમ સરકારી સ્માર્ટ સ્કૂલ બની કાંકરિયા શાળા નંબર 5-6

પ્રથમવાર ક્લાસમાં ફાયરબોલ રાખવામાં આવ્યા

કોર્પોરેશન દ્વારા ધોરણ અનુરૂપ ક્લાસ તૈયાર કરવામાં આવ્યાં છે. પહેલા ધોરણના વિદ્યાર્થીઓને કઇ કક્ષાનું જ્ઞાન આપવું જોઈએ તે મુજબના ક્લાસ તૈયાર કરવામાં આવ્યાં છે. વિદ્યાર્થીઓની સુવિધાઓનું પણ ચોક્કસ ધ્યાન સ્કૂલ તૈયાર કરતી વખતે રાખવામાં આવી છે. જ્યારે પ્રથમવાર ક્લાસમાં ફાયરબોલ રાખવામાં આવ્યા છે. જેથી આગ લાગે તો આગ પર જડપથી કાબૂ મેળવી શકાય. સાથે-સાથે ક્લાસને CCTVથી સજ્જ કરવામાં આવ્યાં છે. આ ઉપરાંત આધુનિક લેબ તૈયાર કરાયા છે.

અમદાવાદમાં ખાનગી સ્કૂલને પણ ટક્કર આપે તેવી આધુનિક સુવિધાથી સજ્જ સરકારી સ્માર્ટ સ્કૂલ તૈયાર

આ પણ વાંચોઃ અમદાવાદની સરકારી શાળાઓના અંગ્રેજી મીડીયમમાં પ્રવેશ માટે નેતાઓએ કરી ભલામણો

સ્માર્ટ ક્લાસ, ગુગલ કલાસ અને સાયન્સ લેબની સુવિધા

આ સાથે હાઈસ્કૂલમાં સ્માર્ટ ક્લાસ, ગુગલ કલાસ અને સાયન્સ લેબની સુવિધા ઉપલબ્ધ કરવામાં આવી છે. દેશની એક પણ સ્કૂલમાં ન હોય તેવું પ્લેટોરિયમ સેન્ટર પણ સ્કૂલમાં ઉભું કરાયું છે. જેમાં અવકાશી ખગોળનો અભ્યાસ કરતા વિદ્યાર્થીઓને 190 ડિગ્રીએ ભણાવી શકાશે અને તેનો અનુભવ પણ કરી શકશે. હવે વાલીઓ પોતાના બાળકોને ખાનગી સ્કૂલના બદલે સરકારી સ્કૂલો ( Government School ) માં મોકલી રહ્યા છે. આ વર્ષે AMCની સ્કૂલોમાં છેલ્લા 15 દિવસમાં 18 હજાર કરતાં વધુ એડમિશન ધોરણ એકમાં થયા છે. ગયા વર્ષ કરતાં વધુ વિદ્યાર્થીઓએ પ્રવેશ મેળવ્યો છે. હવે આવી સ્માર્ટ સ્કૂલો તૈયાર કરવામાં આવી રહી છે તેને લઈને જ વિદ્યાર્થીઓ ખાનગી સ્કૂલમાંથી સરકારી સ્કૂલ તરફ વળ્યા છે. ત્યારે શિક્ષણ પણ આધુનિક ટેકનોલોજી સાથે આપવામાં આવી રહ્યું છે. હવે ખાનગી સ્કૂલો કરતા પણ એજ્યુકેટેડ શિક્ષકો વિદ્યાર્થીઓને ભણાવશે.

આ પણ વાંચોઃ રાજ્ય સરકારનો મહત્વનો નિર્ણય, સ્માર્ટ શહેરોમાં બનશે સ્માર્ટ લાઈબ્રેરી