આજે સતત 25મા દિવસે Petrol-Dieselની કિંમતમાં કોઈ વધારો નહીં, કાચા તેલમાં ફરી ઉછાળો

દેશભરમાં પેટ્રોલ-ડીઝલની કિંમતે સામાન્ય માણસની કમર તોડી નાખી છે. કેટલાક રાજ્યોમાં તો પેટ્રોલ-ડીઝલની કિંમત (petrol-diesel price) 100ને પાર પહોંચી ગઈ છે. ત્યારે સારા સમાચાર એ છે કે, આજે સતત 25મા દિવસે પણ પેટ્રોલ-ડીઝલની કિંમતમાં (petrol-diesel price) કોઈ વધારો નથી થયો. ઓગસ્ટના પહેલા સપ્તાહમાં કાચા તેલ (Crude oil)માં જોરદાર ઘટાડો જોવા મળ્યો છે, પરંતુ તેમ છતાં આ કિંમતોમાં કોઈ ઘટાડો નથી કરાયો. સોમવારે જ કાચું તેલ એક દિવસમાં 4 ટકા ગગડ્યો હતો. જોકે, મંગળવારે તેલમાં ફરી ઉછાળો આવ્યો છે.

• આજે સતત 25મા દિવસે પેટ્રોલ-ડીઝલની કિંમત (petrol-diesel price) સ્થિર
• સોમવારે કાચા તેલ (Crude oil)માં 4 ટકાનો ઘટાડો આવ્યો હતો
• 17 જુલાઈએ પેટ્રોલમાં 30 તો 15 જુલાઈએ ડીઝલમાં 15 પૈસાનો વધારો થયો હતો

નવી દિલ્હીઃ દેશમાં બુધવારે (11 ઓગસ્ટે) સતત 25મા દિવસે પેટ્રોલ-ડીઝલની કિંમત (petrol-diesel price) સ્થિર બનેલી છે. ઓઈલ માર્કેટિંગ કંપની (Oil marketing company)ઓએ આજે પણ પેટ્રોલ-ડીઝલની કિંમત (petrol-diesel price)માં કોઈ ફેરફાર નથી કર્યો. આ પહેલા 17 જુલાઈએ પેટ્રોલ 30 પૈસા પ્રતિ લિટર અને ડીઝલ 15 જુલાઈએ 15 પૈસા પ્રતિ લિટર મોંઘું થયું હતું. જો ઘટાડાની વાત કરીએ તો, કોઈ આશા નથી દેખાઈ રહી. કાચા તેલમાં ઓગસ્ટના પ્રથમ સપ્તાહમાં જોરદાર ઘટાડો જોવા મળ્યો છે, પરંતુ તેમ છતાં આ કિંમતોમાં ઘટાડો નથી થયો.

આ પણ વાંચોઃઆજે ત્રીજા દિવસે Share Marketની મજબૂત શરૂઆત, નિફ્ટી 16,300ને પાર

બ્રેન્ટ ક્રુડની કિંમત વધીને 69.72 ડોલર પ્રતિ બેરલ થઈ

આ સોમવારે કાચા તેલમાં એક દિવસમાં 4 ટકાનો ઘટાડો થયો હતો. જોકે, મંગળવારે તેલમાં ઉછાળો આવ્યો છે. તો બ્રેન્ટ ક્રુડ (Brent Crude)ની કિંમત 0.98 ટકા વધીને 69.72 ડોલર પ્રતિ બેરલ થઈ ગઈ છે. જ્યારે અમેરિકી ડોલર (Dollar)ની સરખામણીમાં રૂપિયાનો વિનિમય દર 17 પૈસા ગગડીને 74.43 પર બંધ થયો છે.

આ પણ વાંચોઃહવે ઘરે ડીઝલ મંગાવો, ઇન્ડિયન ઓઇલ કોર્પોરેશને એપ દ્વારા શરૂ કરી સેવા

જુઓ, ક્યાં શું છે પેટ્રોલ-ડીઝલની વર્તમાન કિંમત?

રાજ્ય	પેટ્રોલ (રૂ.) (પ્રતિલિટર)	ડીઝલ (રૂ.) (પ્રતિલિટર)
દિલ્હી	101.84	89.87
મુંબઈ	107.83	97.45
કોલકાતા	102.08	93.02
ચેન્નઈ	102.49	94.39
બેંગલુરૂ	105.25	95.26
ભોપાલ	110.20	98.67
લખનઉ	98.82	90.26
પટના	104.25	95.57
ચંદીગઢ	97.93	89.50
અમદાવાદ	98.65	96.81

cSMS દ્વારા પેટ્રોલ-ડીઝલની કિંમત જાણી શકાશે

પેટ્રોલ-ડીઝલની કિંમત પણ SMS દ્વારા જાણી શકાશે. ઇન્ડિયન ઓઇલની વેબસાઇટ અનુસાર, તમારે RSP અને તમારો સિટી કોડ લખીને 9224992249 નંબર પર મોકલવો પડશે. દરેક શહેરનો કોડ અલગ છે. જે તમને IOCL વેબસાઇટ પરથી મળશે.

નવા ભાવ સવારે 6 વાગ્યાથી લાગુ થાય

પેટ્રોલ અને ડીઝલના ભાવ દરરોજ સવારે 6 વાગે બદલાય છે. નવા ભાવ સવારે 6 વાગ્યાથી લાગુ થશે. પેટ્રોલ અને ડીઝલના ભાવમાં એક્સાઇઝ ડ્યુટી, ડીલર કમિશન અને અન્ય વસ્તુઓ ઉમેર્યા પછી તેની કિંમત લગભગ બમણી થઇ જાય છે.