નવી દિલ્હી: મહિલાઓ અને છોકરીઓના સશક્તિકરણ માટે કેન્દ્ર સરકારે 1 એપ્રિલ 2023થી મહિલા સન્માન બચત યોજના શરૂ કરી છે. આ યોજનાનો લાભ લેવા માટે દેશના મહિલા અને બાળ વિકાસ પ્રધાન સ્મૃતિ ઈરાની પણ પોસ્ટ ઓફિસ પહોંચ્યા હતા. તમને જણાવી દઈએ કે નાણાપ્રધાન નિર્મલા સીતારમણે આ વર્ષના બજેટ ભાષણમાં આ યોજનાની જાહેરાત કરી હતી. આ યોજના દેશની તમામ 1.59 લાખ પોસ્ટ ઓફિસમાં ઉપલબ્ધ કરાવવામાં આવી છે.
સ્મૃતિ ઈરાનીએ યોજનાનો લાભ લીધો: સ્મૃતિ ઈરાનીએ સંસદ સ્ટ્રીટ નવી દિલ્હી ખાતેની મુખ્ય પોસ્ટ ઓફિસમાં પહોંચીને મહિલા સન્માન બચત પ્રમાણપત્ર ખાતું ખોલાવ્યું. એક સામાન્ય નાગરિકની જેમ તે પોસ્ટ ઓફિસમાં ખાતું ખોલાવવા માટે લાઇનમાં ઊભા રહ્યા અને ઔપચારિકતા પૂરી કરી. ખાતું ખોલતાની સાથે જ તેમને પાસબુક પણ ઈસ્યુ કરવામાં આવી હતી. આ પ્રસંગે પ્રધાને સુકન્યા સમૃદ્ધિ યોજનાના કેટલાક લાભાર્થીઓ સાથે પણ વાત કરી હતી. ઈરાનીએ મહિલાઓ અને યુવતીઓને આ સરકારી યોજનાનો મહત્તમ લાભ લેવા અપીલ કરી હતી.
આ પણ વાંચો:Mann ki Baat 100 : PMની 'મન કી બાત'ના 100મા એપિસોડને લઈને ભાજપની તૈયારીઓ, ગુજરાતના યુવાઓ પર વધુ ફોક્સ
ખાતું કોણ ખોલાવી શકે છેઃમહિલા સન્માન બચત યોજના હેઠળ કોઈપણ મહિલા ખાતું ખોલાવી શકે છે. જ્યારે સગીર છોકરીવતી તેના વાલી અરજી કરી શકે છે. આ યોજનાની પાકતી મુદત બે વર્ષની છે. તે 1 એપ્રિલ 2023થી શરૂ થશે અને 31 માર્ચ 2025ના રોજ પૂર્ણ થશે. આ યોજના હેઠળ ખાતામાં વધુમાં વધુ બે લાખ રૂપિયા જમા કરાવી શકાય છે. તે જ સમયે, યોજનાની લઘુત્તમ રકમ રૂપિયા 1000 છે. આ રીતે બે વર્ષના સમયગાળા માટે બે લાખ રૂપિયા સુધીના રોકાણ પર વાર્ષિક 7.5 ટકા વ્યાજ મળશે. વ્યાજની ગણતરી ત્રિમાસિક ધોરણે કરવામાં આવશે.
આ પણ વાંચો:Outgrowth Development : આઉટગ્રોથ જનસુખાકારીના વિકાસ માટે મુખ્યપ્રધાને 214 કરોડના કામોની આપી મંજૂરી
કરમુક્તિનો શું ફાયદો છે : ખાતામાં જમા થયેલી રકમને આંશિક રીતે ઉપાડવાની સુવિધા પણ છે. આ યોજનામાં જમા કરવામાં આવેલી રકમને આવકવેરા કાયદાની કલમ 80C હેઠળ રિબેટ કરવામાં આવશે નહીં. આનો અર્થ એ છે કે તમારે તમારી થાપણો પરના વ્યાજ પર ટેક્સ ચૂકવવો પડશે. પરંતુ આ સ્કીમમાં માત્ર 2 લાખ સુધીના રોકાણની મર્યાદા હોવાથી અને વ્યાજ દર પણ માત્ર 7.5 ટકાથી ઉપલબ્ધ છે. આવી સ્થિતિમાં જો તમારી પાસે માત્ર એક જ રોકાણ છે. તો તમારો TDS કાપવામાં આવશે નહીં.
