US Airlines CEO Warns : યુએસ એરલાઇનના સીઇઓની ચેતવણી, 5Gને કારણે ફ્લાઈટ્સ બંધ થઈ શકે છે

યુએસ એરપોર્ટની આસપાસ 5G સેવા શરૂ કરવાનો મુદ્દો ઉડ્ડયન ક્ષેત્ર માટે એક મોટા સંકટ તરીકે સામે આવી રહ્યો છે. ત્યાંની મોટી એરલાઈન કંપનીઓનું કહેવું (US Airlines CEO Warns) છે કે 5Gને કારણે ટેકનિકલ સમસ્યાઓના કારણે ફ્લાઈટ્સની સંખ્યામાં ઘટાડો (Flights canceled due to 5Gs) કરવો પડી શકે છે, જેની અસર એવિએશન સેક્ટર પર પડશે. આ સાથે મુસાફરોની મુશ્કેલીમાં વધારો થશે.

વોશિંગ્ટન: યુએસ કાર્ગો અને પેસેન્જર એરક્રાફ્ટ ઓપરેટર્સના ચીફ એક્ઝિક્યુટિવ ઓફિસર્સએ (US Airlines CEO Warns) ચેતવણી આપી છે કે નવી વાયરલેસ 5G સેવા "આપત્તિજનક" ઉડ્ડયન કટોકટી(Flights canceled due to 5Gs) તરફ દોરી શકે છે. રનવેની નજીક વાયરલેસ 5G સેવા ફ્લાઈટ્સને વિક્ષેપિત કરી શકે છે.

ફ્લાઇટનું સંચાલન કરવું જોખમી

આ મુખ્ય યુએસ એરલાઇન્સનું કહેવું છે કે, નવી સેવા મોટી સંખ્યામાં વાઇડ બોડી પ્લેનને નકામું બનાવી શકે છે. ફેડરલ એવિએશન એડમિનિસ્ટ્રેશન(FAA) કહે છે કે, તે સંવેદનશીલ એરક્રાફ્ટ ઇન્સ્ટ્રુમેન્ટ જેમ કે અલ્ટીમીટર અને ઓછી દૃશ્યતા કામગીરીને પણ અસર કરી શકે છે. આવી સ્થિતિમાં ફ્લાઇટનું સંચાલન કરવું જોખમી (Dangerous to Operate a Flight) બની શકે છે. આ ઉપરાંત જો લોકો માટે જોખમની સંભાવના હોય, તો તેઓ પ્રવૃત્તિ બંધ કરવા માટે બંધાયેલા છે. આના કારણે જો ફ્લાઇટ સંકટ વધુ ઊંડું થશે તો હજારો અમેરિકનો વિદેશમાં અટવાઈ જશે.

સમસ્યા શું છે તે સમજો

અમેરિકન કંપની એટી એન્ડ ટી અને વેરાઇઝનએ ગયા વર્ષે હરાજીમાં 80 બિલિયનની સટ્ટાબાજી કરીને સી-બેન્ડ સ્પેક્ટ્રમ માટે બિડ જીતી હતી. હવે તેણે 5G નેટવર્ક માટે ટાવર લગાવવા પડશે. મોટી એરલાઈન કંપનીઓનું (US Airlines Company) કહેવું છે કે, જો રનવેની આસપાસ 5G નેટવર્કની અસર જોવા મળશે તો ટેક્નિકલી મોટા વિમાનો મુશ્કેલીમાં મુકાઈ જશે. તેઓ કહે છે કે એરપોર્ટના રનવેના લગભગ 2 માઈલના(3.2 કિમી) ત્રિજ્યાને 5Gથી મુક્ત રાખવો જોઈએ.

FAAએ ટેકનિકલ મુશ્કેલીઓ અને સંભવિત જોખમોનો પુનરોચ્ચાર કર્યો

નવેમ્બરની શરૂઆતમાં, FAAએ ફ્લાઇટ્સ પર 5Gની સંભવિત અસર (Impact in Aircraft from 5G Network) વિશે ચેતવણી આપી હતી. આ પછી, જો બિડેન વહીવટીતંત્રના હસ્તક્ષેપ પછી સી-બેન્ડ સ્પેક્ટ્રમનો ઉપયોગ 5 જાન્યુઆરી સુધી મુલતવી રાખવામાં આવ્યો હતો. ત્યારબાદ તેને 19 જાન્યુઆરી સુધી લંબાવવામાં આવી હતી. 50 એરપોર્ટ માટે કામચલાઉ બફર ઝોન બનાવવા પર પણ સહમતિ સધાઈ હતી. હવે સમજૂતી મુજબ, AT T અને Verizon બુધવારથી સેવા શરૂ કરવા જઈ રહ્યા છે, તેથી ફેડરલ એવિએશન એડમિનિસ્ટ્રેશને ફરીથી ટેકનિકલ મુશ્કેલીઓ અને સંભવિત જોખમોનો પુનરોચ્ચાર કર્યો છે.

રદ કરવામાં આવી શકે ફ્લાઇટ્સ

અમેરિકન એરલાઇન્સ, ડેલ્ટા એર લાઇન્સ, યુનાઇટેડ એરલાઇન્સના સીઇઓનું કહેવું છે કે, જોખમને કારણે 1,100થી વધુ ફ્લાઇટ્સ રદ કરવામાં આવી શકે છે, જે 100,000 મુસાફરોને અસર કરી શકે છે. તેમને ટિકિટ કેન્સલ કરવા અથવા ફ્લાઈટ્સ ડાયવર્ટ (Divert Flights to US) કરવાની ફરજ પડશે.

આ પણ વાંચોઃ New Flites From Surat 2022 : સુરતથી ભાવનગર, અમરેલી, અમદાવાદ અને રાજકોટ કેટલી મીનિટમાં પહોંચશો? જાણો

આ પણ વાંચોઃ China Forcing Cancellation Us Flights: ચીન કેટલીક ફ્લાઇટ્સ રદ કરવા માટે દબાણ કરી રહ્યું છે: યુએસ એરલાઇન્સ