નવી દિલ્હી:સૈન્ય પ્રમુખ જનરલ મનોજ પાંડેની (General Manoj Panday Ladakh Visit) લદ્દાખ મુલાકાત બાદ સુરક્ષા વ્યવસ્થાને લઈને મોટા પગલાં લેવામાં આવી રહ્યા છે. પૂર્વોત્તર સીમ પર ભારતીય સૈન્યની કુલ છ મોટી ટુકડીઓને (Indian Army Divisions shifted) રવાના કરવામાં આવી છે. જે પહેલા ત્રાસવાદ સામે અને પાકિસ્તાનના સૈન્ય મોરચા પર દેખરેખ રાખવા (anti-terrorist Team) માટે લદ્દાખમાં તૈનાત હતી. એક ડિવિઝનમાં કુલ 18000 જવાન હોય છે. ચીન બોર્ડર પર વધી રહેલા જોખમને ધ્યાને લઈને નિયંત્રણ રેખા (Indian Force At LAC) પર સુરક્ષા સ્થિતિની સમીક્ષા બાદ આ પગલું લેવાયું છે.
આ પણ વાંચો:Terrorist Attack in Kashmir: આતંકવાદીઓએ કાશ્મીરી પંડિત પર કર્યો હુમલો, છેલ્લા 24 કલાકમાં 7 લોકોને બનાવ્યા શિકાર
આ ટુકડીઓ થઈ રવાના:જણાવી દઈએ કે, ચીન સાથે ભારતનું સૈન્ય બે વર્ષથી વધુ સમયથી સંઘર્ષ કરી રહ્યું છે. મે 2020 માં, ચીની સૈનિકોએ લદ્દાખની ગાલવાન ખીણમાં ભારતીય ચોકીઓ સામે મોટી સંખ્યામાં સૈનિકોને ખસેડીને એકપક્ષીય રીતે સ્થિતિ બદલવાનો પ્રયાસ કર્યો. ત્યારથી, ભારતીય સેના તેના દળોનું પુનર્ગઠન કરી રહી છે. સૂત્રોના જણાવ્યા અનુસાર, છેલ્લા બે વર્ષમાં સેનાના બે વિભાગો એટલે કે લગભગ 35,000 સૈનિકો એક સ્પેશયલ ઑપરેશન હેતું સાથે ચીનની સરહદ પર તૈનાત કરવામાં આવ્યા છે. આ ઉપરાંત, રાષ્ટ્રીય રાઇફલ્સના એક વિભાગને જમ્મુ-કાશ્મીરમાંથી ઉગ્રવાદ વિરોધી ભૂમિકાઓમાંથી હટાવી દેવાયો હતો.
આ પણ વાંચો:India-China border standoff : ચીને લદ્દાખની સામે 60 હજાર સૈનિકો તૈનાત કર્યા, ભારત પણ જડબાતોડ જવાબ આપવા તૈયાર
આ ફેરફારો પણ થયા:હવે તેને પૂર્વ લદ્દાખ સેક્ટરમાં પણ તૈનાત કરવામાં આવ્યા છે. તેવી જ રીતે, તેઝપુર સ્થિત ગજરાજ કોર્પ્સ હેઠળના આસામ સ્થિત વિભાગને રાજ્યમાં તેની બળવાખોરી વિરોધી ભૂમિકામાંથી હટાવી દેવાયા છે. હવે તેનું કામ ઉત્તરપૂર્વમાં ચીનની સરહદ પર નજર રાખવાનું છે. સૈન્યની ટુકડીમાં ઘટાડો થવાથી, હવે આસામમાં આતંકવાદ વિરોધી કામગીરીમાં કોઈ સૈન્ય એકમ સામેલ નથી. એટલું જ નહીં, આ સિવાય 17 માઉન્ટેન સ્ટ્રાઈક કોર્પ્સ જે અગાઉ લદ્દાખ સેક્ટરમાં કામ કરતી હતી. હવે માત્ર ઉત્તરપૂર્વ સુધી મર્યાદિત છે. તેને ઝારખંડની બહાર બીજો વિભાગ આપવામાં આવ્યો છે.
આ પણ વાંચો:દક્ષિણ પૈંગોંગમાં ભારતના માસ્ટર સ્ટ્રોક બાદ PLA પાછળ હટ્યું
સ્ટ્રાઈક કોર્પ્સને જવાબદારી:ડિવિઝનને અગાઉ પશ્ચિમી મોરચા પર હવાઈ હુમલાઓ કરવાનું કામ સોંપવામાં આવ્યું હતું. તે જ સમયે, ઉત્તર પ્રદેશ સ્થિત બે સૈન્ય વિભાગોને પણ લદ્દાખ થિયેટર માટે ઉત્તર કમાન્ડને સોંપવામાં આવ્યા છે. સૂત્રોના જણાવ્યા અનુસાર, બંને કમાન્ડને અગાઉ યુદ્ધની સ્થિતિમાં પશ્ચિમી મોરચા પર લડવાનું કામ સોંપવામાં આવ્યું હતું. તેવી જ રીતે, ઉત્તરાખંડ સ્થિત સ્ટ્રાઈક કોર્પ્સના એક વિભાગને સમગ્ર સેન્ટ્રલ સેક્ટરની દેખરેખ માટે સેન્ટ્રલ કમાન્ડને ફરીથી સોંપવામાં આવ્યું છે, જ્યાં ચીની દળો અનેક પ્રસંગોએ સરહદનો ભંગ કરવાનો પ્રયાસ કરી રહ્યાં છે.
