- મઘમઘતી મીઠાઈઓ છે તહેવારની વિશેષતા
- ETV Bharat સાથે બદામના હલવાની રેસિપી જાણો
- સરળતાથી બની જતી મીઠાઈનો સ્વાદિષ્ટ વિકલ્પ
બદામ હલવો (Badam halwa ) એ બદામમાંથી (almonds) બનેલી સ્વાદિષ્ટ મીઠાઈ ( Sweets ) છે. આ મીઠાઈ જોકે એમ તો શિયાળાની સર્વકાલીન મનપસંદ વાનગીઓમાં ( Almond dessert ) શામેલ છે. બદામ સ્વાસ્થ્ય માટે ખૂબ સારી ગણવામાં આવે છે.બદામના હલવાની આ રેસીપી ખૂબ જ ઘણાં તત્વોથી સભર જેથી વધુ પડતી ન લઇ શકાય.
બનાવવામાં કેટલો સમય લાગે?
બદામનો હલવો ( Almond dessert ) બનાવવામાં તેની તૈયારીમાં 5 મીનિટ જેટલો સમય લાગે છે. જ્યારે તેને 4-5 લોકો માટે બનાવવાની હોય તો બનાવવાનો સમય આશરે 40-45 મીનિટ જેટલો થાય છે.
બદામનો હલવો બનાવવામાં શું શું જોઇશે?
- છાલ ઉતારીને ગરમ પાણીમાં પલાળેલી બદામઃ 1 કપ
- ઘીઃ 1/2 કપ
- દૂધઃ 3/4 કપ
- પાણીઃ ½ કપ
- ઘઉંનો લોટઃ 1 ચમચો
- ખાંડઃ 3/4 કપ
- એલચી પાવડરઃ ½ ચમચો
- કેસરની કેટલીક ડાંડલી
- સજાવટ માટે થોડા બદામ અને કેસર
ઘરમાં જ બનાવો મઘમઘતો બદામ હલવો
બદામનો હલવો બનાવવાની પદ્ધતિ
- એક પેનમાં દૂધને પાણી સાથે મિક્સ કરી ઉકાળો અને એકબાજુ મૂકી દો. બ્લેન્ડરથી પલાળેલી બદામને પાણી કે દૂધ ઉમેર્યા વિના પીસી દો.
- એક ઊંડા તળીયાની નોનસ્ટિક કઢાઈમાં ઘી ગરમ કરો અને તેમાં પીસેલી બદામ નાંખી સારી રીતે મિક્સ કરો અને મધ્યમ આંત પર સાતેક મિનિટ સુધી સાંતળો. તેને વચ્ચે વચ્ચે હલાવતાં રહો.
- હવે ઘઉંનો લોટ ઉમેરો અને સારી રીતે ભેળવો. હવે તેને મધ્યમ આંચ પર 2 મીનિટ હલાવતાં હલાવતાં શેકો.
- હવે તેમાં દૂધ-પાણીનું મિશ્રણ ઉમેરી દો અને સારી રીતે મિક્સ કરો, મધ્યમ આંચ પર 5 મીનિટ સતત હલાવતાં રહો.
- હવે તેમાં ખાંડ ઉમેરો અને મધ્યમ આંચ પર 1-2 મીનિટ ચડવા દો. તૈયાર થઈ રહેલા હલવાને સતત હલાવો.
- હવે તેમાં કેસર સારી રીતે મિક્સ કરી ઉમેરો અને મધ્યમ આંચ પર 1-2 મીનિટ હલાવતાં રહો.
- હવે ગેસ બંધ કરી દો અને એલચી પાવડરને તૈયાર થયેલા હલવામાં સરસ રીતે મિક્સ કરી દો.
- ગરમાગરમ બદામ હલવાની ઉપર બદામના ટુકડા અને કેસરની ડાંડલીઓ મૂકીને સજાવો અને ગરમ જ સર્વ કરો
આ પણ વાંચોઃ દેશ વિદેશમાં પ્રખ્યાત સુરતની ઘારીનો 122 વર્ષથી જુનો છે ઇતિહાસ, જાણો ખાસિયત...
આ પણ વાંચોઃ Healthy Dessert: ચોંકશો નહીં, હંમેશા નુકસાનકારક જ નથી હોતી મીઠાઈ
