મોદી 10 રાજ્યોના મુખ્યપ્રધાન અને નાયબ મુખ્યપ્રધાન સાથે કરશે વાતચીત, મમતા પણ આપશે હાજરી

વડાપ્રધાન નરેન્દ્ર મોદી આજે 10 રાજ્યો-છતીસગઢ, હરિયાણા, કેરળ, મહારાષ્ટ્ર, ઓડિશા, પુંડુચેરી, રાજસ્થાન, ઉતર પ્રદેશ, પશ્ચિમ બંગાળ અને આંધ્રપ્રદેશના 10 રાજ્યોના જિલ્લા મેજિસ્ટ્રેટ્સ અને ક્ષેત્ર અધિકારીઓ સાથે વાતચીત કરશે.

• વડાપ્રધાન નરેન્દ્ર મોદી આજે 10 રાજ્યોના અધિકારો સાથે કરશે વાતચીત
• મુખ્યપ્રધાન મમતા બેનર્જી પણ આ બેઠકમાં લેશે ભાગ
• કોરોના મહામારી અંગે થશે ચર્ચા

નવી દિલ્હી: વડાપ્રધાન નરેન્દ્ર મોદી 20 મેના રોજ રાજ્ય અને જિલ્લાના અધિકારીઓ સાથે કોરોના મહામારી અંગે અધિકારો સાથે વાતચીત કરશે. વડાપ્રધાન કચેરીએ માહિતી આપી હતી કે, આ બેઠકમાં છતીસગઢ, હરિયાણા, કેરળ, મહારાષ્ટ્ર, ઓડિશા, પુંડુચેરી, રાજસ્થાન, ઉતર પ્રદેશ, પશ્ચિમ બંગાળ અને આંધ્રપ્રદેશના અધિકારીઓ ભાગ લેશે.

આ પણ વાંચો: રાજ્યમાં તૌકતે વાવાઝોડાથી થયેલા નુકસાનનું નિરીક્ષણ કરવા વડાપ્રધાન મોદી આજે ગુજરાતમાં

જિલ્લો કોરોનાને હાર આપશેે ત્યારે જ દેશ કોરોના સામેના યુદ્ધમાં જીતશે: વડાપ્રધાન

આ પહેલા વડાપ્રધાન નરેન્દ્ર મોદીએ મંગળવારે વીડિયો કોન્ફરન્સ દ્વારા રાજ્યો અને જિલ્લાના અધિકારીઓ સાથે વાતચીત પણ કરી હતી. વડાપ્રધાને તેમના સંબોધનમાં કહ્યું હતું કે, કોવિડ -19 રોગચાળાની બીજી લહેરમાં ગ્રામીણ અને દુર્ગમ વિસ્તારો પર ઘણું ધ્યાન આપવું પડશે. તેમણે કહ્યું કે, જ્યારે જિલ્લો કોરોનાને હાર આપશેે ત્યારે જ દેશ કોરોના સામેના યુદ્ધમાં જીતશે. આ સાથે કોવિડ-19 સામેની લડતમાં એક શક્તિશાળી માધ્યમ હોવાનું કહેવામાં આવ્યું હતું અને કહ્યું હતું કે, તેના પુરવઠાને મોટા પાયે સુનિશ્ચિત કરવા સરકારના પ્રયાસો ચાલુ છે.

આ પણ વાંચો: વડાપ્રધાન નરેન્દ્ર મોદી ભાવનગરથી તૌકતે વાવાઝોડાનું કરશે હવાઇ નિરીક્ષણ

બેઠકમાં મમતા બેનર્જી લેશે ભાગ

તેમજ પશ્ચિમ બંગાળના મુખ્યપ્રધાન મમતા બેનર્જી આજે આ બેઠકમાં ભાગ લેશે.