દત્તક લેવા અંગે વ્યાપક કાયદો લાવવાની જરૂર : સંસદીય સમિતિ

સંસદીય સમિતિએ (Parliamentary Committee) દેશમાં બાળક દત્તક લેવાની પ્રક્રિયા (Child adoption process in India) અંગે પોતાનો રિપોર્ટ રજૂ કર્યો છે. સંસદીય સમિતિએ આ અંગે વ્યાપક કાયદો લાવવાની જરૂરિયાત પર ભાર મૂક્યો છે. જાણો રિપોર્ટમાં શું ભાર મૂકવામાં આવ્યો છે.

નવી દિલ્હી: હિંદુ દત્તક અને જાળવણી અધિનિયમ (Hindu Adoption and Maintenance Act) અને જુવેનાઇલ જસ્ટિસ (Juvenile Justice Act) અધિનિયમમાં સુમેળ સાધવાની જરૂર છે અને દત્તક લેવા અંગે એક વ્યાપક કાયદાની જરૂર છે, એમ સંસદની સમિતિએ (Parliamentary Committee) જણાવ્યું છે. જે વધુ પારદર્શક, જવાબદાર, ઓછા અમલદારશાહી છે. અને તમામ ધર્મના લોકોને લાગુ પડે છે.

આ પણ વાંચો:બોક્સર નિખત ઝરીને PM મોદી સાથે ફરી સેલ્ફી લેવાની ઈચ્છા કરી વ્યક્ત

સંસદીય સમિતિએ પોતાનો રિપોર્ટ કર્યો રજૂ : સમિતિએ કહ્યું કે, આનાથી દત્તક લેવાની પ્રક્રિયા સરળ અને ઓછી બોજારૂપ બનશે. કર્મચારી, જાહેર ફરિયાદ, કાયદો અને ન્યાય સમિતિનો આ અહેવાલ સોમવારે સંસદમાં રજૂ કરવામાં આવ્યો હતો. ભારતીય જનતા પાર્ટીના સાંસદ સુશીલ કુમાર મોદી આ સમિતિના અધ્યક્ષ છે. સમિતિએ 'બાળકોના દત્તક અને સંરક્ષણ અંગેના કાયદાઓની સમીક્ષા' પરના તેના અહેવાલમાં નોંધ્યું છે કે, હિંદુ દત્તક અને જાળવણી અધિનિયમ અને જુવેનાઈલ જસ્ટિસ એક્ટના પોતાના ગુણ અને ખામીઓ છે.

જુવેનાઈલ જસ્ટિસ એક્ટ : સમિતિએ તેના અહેવાલમાં નોંધ્યું છે કે, HAMA હેઠળ દત્તક લેવાની પ્રક્રિયા સરળ અને ઓછો સમય લેતી હોય છે, જ્યારે જુવેનાઈલ જસ્ટિસ એક્ટ હેઠળ, તે પારદર્શક, જવાબદાર અને ચકાસણીપાત્ર છે. તેમાં કહેવામાં આવ્યું છે કે દત્તક લેવા અંગેના વ્યાપક કાયદા માટે બે કાયદાઓનું સંકલન જરૂરી છે જે દત્તક લેવાની પ્રક્રિયાને પારદર્શક, જવાબદાર, ચકાસણીયોગ્ય અને તમામ ધર્મો માટે સમાન રીતે સરળ બનાવે.

આ પણ વાંચો:આ શું બોલી ગયા નીતિન ગડકરી, 'અમને કાયદા તોડવાનો અધિકાર છે'

દત્તક લેવા અંગે એક વ્યાપક કાયદો ઘડવાની જરૂર છે : સમિતિએ એ પણ નોંધ્યું હતું કે, જુવેનાઈલ જસ્ટિસ એક્ટ હેઠળ ઘડવામાં આવેલા નિયમો એ એક પ્રક્રિયા છે જે ઘણો સમય લે છે. સમિતિએ તેની ભલામણમાં જણાવ્યું હતું કે, તે માને છે કે, બંને કાયદાઓમાં સુમેળ સાધવાની જરૂર છે અને દત્તક લેવા અંગે એક વ્યાપક કાયદો ઘડવાની જરૂર છે જે દત્તક લેવાની પ્રક્રિયાને પારદર્શક, જવાબદાર અને ચકાસણીયોગ્ય અને તમામ ધર્મો માટે સમાન રીતે સરળ બનાવે.