ડીયુમાં ઓબીઇની પરિક્ષા મુલતવી, જૂન 1થી લેવાશે

કોરોના સંક્રમણને ધ્યાનમાં રાખતા દિલ્હી યુનિવર્સિટીમાં 15 મેથી શરૂ થનારી ઓનલાઇન ઓપન બુક (ઓબીઇ) પરિક્ષા મુલતવી રાખવામાં આવી છે. હવે આ પરિક્ષા 1જૂનથી લેવામાં આવશે.

• ફાઇનલ સેમિસ્ટર અને વાર્ષિક પરિક્ષાની નવી ડેટ શીટ બહાર પાડવામાં આવશે
• પરિક્ષા 2 અઠવાડિયા માટે મુલતવી રાખવામાં આવી છે
• પરિક્ષાને લઈને ટૂંક સમયમાં નવી ડેટ શીટ બહાર પાડવામાં આવશે

ન્યુ દિલ્હી: દેશમાં કોરોનાનું સંક્રમણ ઝડપથી વધી રહ્યું છે. વધતા કોરોનાના સંક્રમણને પગલે 15 મેથી દિલ્હી યુનિવર્સિટીને ઓનલાઇન ઓપન બુક (ઓબીઇ) પરિક્ષા મુલતવી રાખવામાં આવી છે. હવે આ પરિક્ષા 1 જૂનથી લેવામાં આવશે. આ અંગે ડીન પરિક્ષક દ્વારા નોટિફિકેશન બહાર પાડવામાં આવી છે. જાહેર કરવામાં આવેલી નોટિફિકેશનમાં કહેવામાં આવ્યું છે કે, ટૂંક સમયમાં ફાઇનલ સેમિસ્ટર અને વાર્ષિક પરિક્ષાની નવી ડેટ શીટ બહાર પાડવામાં આવશે.

આ પણ વાંચોઃઅમદાવાદ: શાળામાં પરિક્ષા ન લેવા મામલે પ્રિન્સિપાલને મળ્યા ધમકી ભર્યા મેસેજ

હવે ફાઇનલ વર્ષના વિદ્યાર્થીઓ માટેની પરિક્ષા 1 જૂનથી શરૂ થશે

ડીન પરિક્ષા વિભાગ દ્વારા જાહેર કરાયેલી નોટિફિકેશનમાં કહેવામાં આવ્યું છે કે, ફાઇનલ સેમિસ્ટર અને વાર્ષિક પરિક્ષા કે જે 15 મેથી શરૂ થવાની હતી, તે 2 અઠવાડિયા માટે મુલતવી રાખવામાં આવી છે. હવે તે પરિક્ષા 1જૂનથી શરૂ થશે. સાથે એમ પણ કહેવામાં આવ્યું છે કે, પરિક્ષાને લઈને ટૂંક સમયમાં નવી ડેટ શીટ બહાર પાડવામાં આવશે.

આ પણ વાંચોઃHNGUમાં પરીક્ષા મામલે EC સાથે VCની મળી હતી બેઠકઃ ઓફલાઈન પરીક્ષાનો નિર્ણય

યુનિવર્સિટી વહીવટીતંત્રે અફવા પર ધ્યાન ન આપવાની સલાહ આપી હતી

ડીન પરિક્ષક દ્વારા જાહેર કરાયેલી નોટિફિકેશનમાં કહેવામાં આવ્યું છે કે, વિદ્યાર્થીઓએ કોઈપણ પ્રકારની અફવા પર ધ્યાન આપવું નહી. વિદ્યાર્થીઓની પરિક્ષાને લગતી કોઈપણ પ્રકારની માહિતી માટે યુનિવર્સિટીની સત્તાવાર વેબસાઇટને સતત તપાસતા રહેશો.