Temperature India: રવિવારે સુરજ દાદાએ કર્યું મથુરામાં રાજ, સૌથી વધુ તાપમાન નોંધાયું

રવિવારે ભારતમાં મથુરામાં સૌથી વધુ તાપમાન નોંધાયું હતું. બીજી તરફ પ્રયાગરાજ દેશનું બીજું સૌથી ગરમ શહેર હતું. ગુજરાતમાં રવિવારે અમદાવાદ શહેરનું તાપમાન 42.8 ડિગ્રી રહ્યું હતું. હવામાન ખાતાની આગાહી અનુસાર હજું પણ ચાર દિવસ તાપમાન વધશે. જે ધ્યાને લઈને યલો એલર્ટ આપવામાં આવ્યું છે. જોકે, તારીખ 28-30ના સમયગાળા વચ્ચે છૂટોછવાયો વરસાદ થવાની પૂરી શક્યતા છે

આગ્રાઃ રવિવારના રોજ બ્રજ ભૂમિ પર રવિનું ઉગ્ર સ્વરૂપ જોવા મળ્યું હતું. સૂર્ય આકાશમાંથી અગ્નિ વરસાવ્યો. ગરમી અને હીટ સ્ટ્રોકના કારણે જનજીવન અસ્તવ્યસ્ત થઈ ગયું હતું. મથુરામાં ભારતમાં સૌથી વધુ તાપમાન નોંધાયું છે. જ્યાં તાપમાનનો પારો 46 ડિગ્રી સેન્ટીગ્રેડને પાર કરી ગયો હતો. પ્રયાગરાજમાં પારો 45.7 ડિગ્રી સેન્ટીગ્રેડ હતો. જેના કારણે પ્રયાગરાજ દેશનું બીજું સૌથી ગરમ શહેર રહ્યું. દેશનો ત્રીજો ગરમ જિલ્લો ઝાંસી (યુપીમાં તાપમાન) અને રાજસ્થાનનો ચુરુ હતો. જ્યાં 45.6 ડિગ્રી નોંધાયું છે. જ્યારે દિલ્હીમાં પણ આવનારા દિવસોમાં ગરમી વધે એવી પૂરી શક્યતાઓ છે. દિલ્હીમાં હીટવેવનો રાઉન્ડ શરૂ થઈ શકે છે.

આકરી ગરમી પડશે: હવામાન વિભાગની આગાહી અનુસાર, બ્રજ ક્ષેત્રમાં ચાર દિવસ સુધી ગરમીનું મોજું લૂ ચાલુ રહેશે. તેનું એલર્ટ જારી કરવામાં આવ્યું છે. હાલ તાપમાનમાં સતત વધારો થવાની આગાહી કરવામાં આવી છે. સોમવાર એટલે આજે વધુ ગરમી પડી શકે છે. જ્યારે બુધવારથી હળવી રાહતની અપેક્ષા છે. બીજી બાજુ તારીખ 24 મેથી જોરદાર વાવાઝોડા સાથે વરસાદની આગાહી કરવામાં આવી છે. આવું હવામાન તારીખ 27 કે તારીખ 28 મે સુધી ટકી શકે છે. આ પછી, સૂર્ય ફરીથી આકાશમાંથી અગ્નિ વરસાવશે. જેના કારણે આકરી ગરમી પડશે.

માર્ગો પર કર્ફ્યુ જેવો માહોલ: હવામાન વિભાગના જણાવ્યા અનુસાર, રવિવારે યુપીનું મથુરા દેશનો સૌથી ગરમ જિલ્લો હતો. જ્યાં રવિવારે મહત્તમ તાપમાન 46.4 ડિગ્રી સેલ્સિયસ નોંધાયું હતું. આગરાની વાત કરીએ તો અહીં પણ રવિવારે આકાશમાંથી આગ વરસી હતી. આગ્રામાં મહત્તમ તાપમાન 45.4 ડિગ્રી નોંધાયું છે. આગ્રા દેશનો છઠ્ઠો સૌથી ગરમ જિલ્લો પણ રહ્યો છે. આ જ કારણ હતું કે બપોરના સમયે વ્રજના માર્ગો પર કર્ફ્યુ જેવો માહોલ જોવા મળ્યો હતો. સવારે દસ વાગ્યા પછી જ ઘરની બહાર નિકળ્યા ત્યારે ગરમ પવન અને લૂ કારણે ચામડી બળી રહી હતી.

દિલ્હી બન્યુ ભઠ્ઠીઃદિલ્હીના નજફગઢમાં તાપમાન 45 ડિગ્રીને પાર થઈ ગયું હતું. દક્ષિણ પશ્ચિમ અને ઉત્તર પશ્ચિમમાંથી ફૂંકાતા પવનને કારણે વાતાવરણમાં ફેરફાર જોવા મળ્યો છે. દિલ્હી શહેરનું તાપમાન સોમવારે 43 ડિગ્રી નોંધાયું છે. જ્યારે પ્રદુષણનું સ્તર પર એકાએક વધી જતા ચિંતાનો વિષય ફરી શરૂ થયો છે. જોકે, બુધવારે વાતાવરણમાં કોઈ મોટો પલટો આવી શકે છે.

આ રીતે સુરક્ષિત કરો:જ્યારે તમે બહાર જાઓ ત્યારે છત્રી અથવા કેપ પહેરો. આખા શરીરને ઢાંકી દે તેવા હળવા કપડાં પહેરો. જ્યારે તમે ઘરની બહાર જાઓ ત્યારે ઠંડા પાણીની બોટલ સાથે રાખો. સમયાંતરે પાણી, શિકંજી, લસ્સી પીતા રહો. તરસ લાગે ત્યારે ઠંડા પીણા પીવાનું ટાળો. આ સિઝનમાં તળેલું અને શેકેલું ખાવાનું ટાળો. મથુરા- 46.4 ડિગ્રી સેન્ટિગ્રેડ પ્રયાગરાજ- 45.7 ડિગ્રી સેન્ટિગ્રેડ ઝાંસી- 45.6 ડિગ્રી સેન્ટિગ્રેડ ચુરુ- 45.6 ડિગ્રી સેન્ટિગ્રેડ બિકાનેર- 45.5 ડિગ્રી સેન્ટિગ્રેડઆગ્રા- 45.4 ડિગ્રી સેન્ટિગ્રેડ-4જી 4 ડિગ્રી સેન્ટિગ્રેડ-4જી 4 સેન્ટિગ્રેડ. ડિગ્રી સેન્ટીગ્રેડ હમીરપુર- 44.2 ડિગ્રી સેન્ટીગ્રેડ એન્ટિગ્રેડ ગરમી પડી વારાણસી- 43.6 ડિગ્રી સેન્ટીગ્રેડ