લોકસભામાંથી સભ્યપદ રદ્દ કરાતાં મહુઆએ સુપ્રીમ કોર્ટમાં અરજી કરી

TMC નેતા મહુઆ મોઇત્રાએ લોકસભામાંથી તેમની હકાલપટ્ટી વિરુદ્ધ સુપ્રીમ કોર્ટમાં અરજી કરી છે. 8 ડિસેમ્બરે, લોકસભાએ એથિક્સ કમિટીની ભલામણને પગલે તેમનું સંસદ સભ્ય પદ રદ્દ કરાવામાં આવ્યું હતું.

નવી દિલ્હી: તૃણમૂલ કોંગ્રેસના નેતા મહુઆ મોઇત્રાએ સોમવારે 'કેશ ફોર ક્વેરી' ભ્રષ્ટાચારના કેસમાં ગયા અઠવાડિયે લોકસભામાંથી તેમની હકાલપટ્ટી સામે સુપ્રીમ કોર્ટમાં અરજી કરી હતી. લોકસભાની એથિક્સ કમિટીએ વેપારી દર્શન હિરાનંદાની સાથે તેના સંસદીય પોર્ટલ લૉગિન ઓળખપત્રો શેર કરીને રાષ્ટ્રીય સુરક્ષાને જોખમમાં મૂકવા બદલ દોષી ઠેરવ્યા બાદ મોઇત્રાનું લોકસભામાંથી સંસદ સભ્ય પદ રદ્દ કરવામાં આવ્યું હતું.

પ્રશ્નો પુછવા પૈસા લીધા હોવાનો આરોપ:મોઇત્રા પર પ્રતિસ્પર્ધી ઉદ્યોગપતિ દર્શન હિરાનંદાનીના કહેવાથી અદાણી ગ્રૂપની કંપનીઓ અંગે સંસદમાં અનેક પ્રશ્નો ઉઠાવવાનો આરોપ છે. 8 ડિસેમ્બરના રોજ, લોકસભાએ મોઇત્રાને સાંસદ તરીકે ગેરલાયક ઠેરવવાની નૈતિક સમિતિની ભલામણને પગલે તેમને સંસદમાંથી હાંકી કાઢવાનો ઠરાવ પસાર કર્યો હતો. સમિતિએ હિરાનંદાનીના એફિડેવિટના આધારે તેમને હટાવવાની ભલામણ કરી હતી, જેમાં તેમણે કહ્યું હતું કે તેમણે અદાણી ગ્રૂપને નિશાન બનાવતા પ્રશ્નો પૂછવા માટે લાંચ લીધી હતી.

સંસદ સભ્યપદ રદ્દ થતાં તીવ્ર પ્રતિક્રિયા આપતા મોઇત્રાએ આ કાર્યવાહીને 'કાંગારૂ કોર્ટ' દ્વારા ફાંસી આપવા સમાન ગણાવી હતી. તેમણે આરોપ લગાવ્યો કે વિપક્ષને ઝૂકવા માટે દબાણ કરવા માટે સરકાર દ્વારા સંસદીય પેનલને હથિયાર બનાવવામાં આવી રહ્યું છે. મહુઆએ પત્રકારોને જણાવ્યું હતું કે તેને આપવામાં આવેલી રોકડ અથવા ભેટનો કોઈ પુરાવો નથી.