India Gate Subhash Chandra Bose: ઇન્ડિયા ગેટ પર નેતાજીની હોલોગ્રામ પ્રતિમા PM મોદીએ રાષ્ટ્રને સમર્પિત કરી

નેતાજી સુભાષચંદ્ર બોઝની જન્મજયંતિ નિમિત્તે દેશ આજે પરાક્રમ દિવસની ઉજવણી કરી રહ્યો છે. પરાક્રમ દિવસના અવસર પર પીએમ મોદીએ નેતાજી સુભાષની હોલોગ્રામ પ્રતિમાનું અનાવરણ કર્યું હતું. ઈન્ડિયા ગેટ પર નેતાજીની હોલોગ્રામ પ્રતિમા (India Gate Subhash Chandra Bose)ની સ્થાપના પહેલા અત્યાધુનિક ટેકનોલોજીની મદદથી નેતાજીની હોલોગ્રામ પ્રતિમા બનાવવામાં આવી છે.

નવી દિલ્હીઃ પરાક્રમ દિવસના અવસર પર પીએમ મોદીએ નેતાજી સુભાષ ચંદ્ર બોઝની હોલોગ્રામ પ્રતિમાનું અનાવરણ કર્યું છે. પીએમ મોદીએ ઈન્ડિયા ગેટ પર બનાવવામાં આવનાર નેતાજીની પ્રતિમા (India Gate Subhash Chandra Bose) પહેલા આજે હોલોગ્રામ પ્રતિમા રાષ્ટ્રને સમર્પિત કરી. હોલોગ્રામ પ્રતિમા 28 ફૂટ ઊંચી અને 6 ફૂટ પહોળી છે.

4K પ્રોજેક્ટર દ્વારા સંચાલિત

હોલોગ્રામ પ્રતિમા 30,000 લ્યુમેન્સ 4K પ્રોજેક્ટર દ્વારા સંચાલિત હશે. 90% પારદર્શક હોલોગ્રાફિક સ્ક્રીન અદ્રશ્ય રીતે માઉન્ટ થયેલ છે. હાઈ ગેઈન સ્ક્રીનની વિશેષતાઓ એવી છે કે, તે મુલાકાતીઓને જોઈ શકાતી નથી. હોલોગ્રામની ચોક્કસ અસર પેદા કરવા માટે હાઈ ગેઈન સ્ક્રીન પર નેતાજીનું 3D ચિત્ર મૂકવામાં આવ્યું છે.

મહાન નેતાજીને યોગ્ય શ્રદ્ધાંજલિ

આ પહેલા કાર્યક્રમમાં હાજર રહેલા કેન્દ્રીય ગૃહપ્રધાન અમિત શાહે નેતાજીની હોલોગ્રામ પ્રતિમા (PM Modi inaugurates Netajis statue)ના સંબંધમાં કહ્યું હતું કે, આ માત્ર ગ્રેનાઈટની પ્રતિમા નથી, પરંતુ મહાન નેતાજીને યોગ્ય શ્રદ્ધાંજલિ છે. શાહે કહ્યું કે, ભારતની આઝાદી માટે નેતાજીએ સર્વસ્વ બલિદાન આપ્યું હતું. હોલોગ્રામ સ્ટેચ્યુ (Holographic statue of netaji)ના અનાવરણ અને શણગાર સમારોહ બાદ વડાપ્રધાન નરેન્દ્ર મોદીએ પણ સંબોધન કર્યું હતું. નેતાજી સુભાષચંદ્ર બોઝે અંગ્રેજો સામે નમવાની ના પાડી હતી, એમ તેમણે જણાવ્યું હતું. હોલોગ્રામ પ્રતિમાને ટૂંક સમયમાં ભવ્ય ગ્રેનાઈટ પ્રતિમા દ્વારા બદલવામાં આવશે. નેતાજીની પ્રતિમા લોકતાંત્રિક મૂલ્યો અને ભાવિ પેઢીઓને પ્રેરણા આપશે.

અમારી સરકારે NDRFને મજબૂત બનાવ્યું: મોદી

પરાક્રમ દિવસ પર નેતાજી સુભાષ ચંદ્ર બોઝની હોલોગ્રામ પ્રતિમાનું અનાવરણ કર્યા બાદ પીએમ મોદીએ કહ્યું કે, આંતરરાષ્ટ્રીય એજન્સીઓએ ડિઝાસ્ટર મેનેજમેન્ટના ક્ષેત્રમાં અમારી પહેલની પ્રશંસા કરી છે. તેમણે કહ્યું કે, અગાઉ આપત્તિ વ્યવસ્થાપન કૃષિ વિભાગ દ્વારા હાથ ધરવામાં આવતું હતું. અમારી સરકારે NDRFને મજબૂત બનાવ્યું છે. તેમણે કહ્યું કે, આપત્તિ વ્યવસ્થાપન આજે જનભાગીદારી અને લોકોના વિશ્વાસનું પ્રતિક છે. રોગચાળાની વચ્ચે નવી આફતોનો સામનો કરવો પડ્યો. એનડીઆરએફ, એસડીઆરએફને સલામ કરતાં પીએમ મોદીએ કહ્યું કે, આપત્તિ રાહત સમયે આ એજન્સીઓનું સંકલન પ્રશંસનીય રહ્યું છે.

સુભાષ ચંદ્ર બોઝ આપડા પ્રબંધન પુરસ્કાર

જણાવી દઈએ કે, પરાક્રમ દિવસના અવસરે આયોજિત કાર્યક્રમ દરમિયાન વડાપ્રધાન મોદીએ વર્ષ 2019, 2020, 2021 અને 2022 માટે સાત 'સુભાષ ચંદ્ર બોઝ આપડા પ્રબંધન પુરસ્કાર' (Subhash chandra bose award) પણ એનાયત કર્યા હતા. કેન્દ્ર સરકારે આપત્તિ વ્યવસ્થાપન ક્ષેત્રે ભારતમાં વિવિધ લોકો અને સંસ્થાઓ દ્વારા આપવામાં આવેલ અમૂલ્ય યોગદાન અને નિઃસ્વાર્થ સેવાની કદર અને સન્માન કરવા વાર્ષિક સુભાષ ચંદ્ર બોઝ આપડા પ્રબંધન પુરસ્કારની સ્થાપના કરી છે.

આ પણ વાંચો: