જાણો શા માટે લોકો આજે સ્વતંત્રતા દિવસને લઇને આ મૂંઝવણમાં મૂકાયા

આજે સમગ્ર દેશ 15મી ઓગસ્ટ એટલે કે, સ્વતંત્ર દિવસની માનભેર ઉજવણી કરવામાં આવી રહી છે. પરંતુ હાલમાં દેશમાં એક સવાલ તમામ દેશવાશીઓના મનમાં ચાલી રહ્યો છે. દેશમાં આ વર્ષે 75મો સ્વતંત્રતા દિવસ ઉજવાઇ રહ્યો છે કે, 76મો તેના પર મંથન જોવા મળી રહ્યું છે.

નવી દિલ્હી ભારત આજે સ્વતંત્રતા દિવસની ઉજવણી કરી રહ્યું છે. વડાપ્રધાન મોદી 9મી વખત લાલ કિલ્લા પરથી રાષ્ટ્રને સંબોધિત કરી રહ્યા છે. આ અવસર પર તેમણે તમામ સ્વાતંત્ર્ય સેનાનીઓને યાદ કર્યા, તેમણે દેશને પોતાના સંબોધનમાં કહ્યું કે આજે તમામ બલિદાન અને બલિદાનોને નમન કરવાનો અવસર છે. આ દેશનું સૌભાગ્ય રહ્યું છે કે સ્વતંત્રતા સંગ્રામના અનેક સ્વરૂપો થયા છે. તેમનામાં એક સ્વરૂપ પણ હતું જેમાં નારાયણ ગુરુ હતા, સ્વામી વિવેકાનંદ, મહર્ષિ અરવિંદો, ગુરુદેવ રવીન્દ્રનાથ ટાગોર, આવા અનેક મહાપુરુષો ભારતના ખૂણે ખૂણે ભારતની ચેતના જગાવતા રહ્યા.

દેશ મૂંજવણમાં દરેક લોકો સોશિયલ મીડિયા પર ભારતના સ્વતંત્રતા દિવસ 2022 પર ભારતને અભિનંદન આપી રહ્યા છે. કેટલાક લોકો 75મા સ્વતંત્રતા દિવસની ઉજવણી તો કેટલાક લોકો 76મા સ્વતંત્રતા દિવસ ઉજવણી કરી રહ્યું છે. તો આના પરથી ઘણા લોકો મૂંઝવણમા મૂકાયા છે. તેને આ બાબતથી વાકેફ કરવું એ જરુરી. આ એ દિવસ છે જ્યારે ભારતે લાંબા સંઘર્ષ બાદ અંગ્રેજ શાસનમાંથી મુક્તિ મેળવી હતી. આજે આપણે દેશવાસીઓ આઝાદીની આ વર્ષગાંઠ ઉજવવા સક્ષમ છીએ કારણ કે આ ધરતીના અસંખ્ય સપૂતો અને વીરોએ આઝાદીને પોતાના લોહીથી સિંચવી દીધી છે, તેઓએ માતૃભૂમિ માટે પોતાના પ્રાણ ન્યોછાવર કર્યા છે.

75મો કે 76મો વિજય દિવસ 15 ઓગસ્ટ 1947ના રોજ ભારત આઝાદ થયું. તેને એક વર્ષ પૂર્ણ થવા પર એટલે કે 15 ઓગસ્ટ 1948ના રોજ સ્વતંત્રતા દિવસની પ્રથમ વર્ષગાંઠની ઉજવણી કરવામાં આવી હતી. પરંતુ સ્વતંત્રતા દિવસ બીજો બન્યો હતો. દિવસ પણ શરૂ થાય તે તારીખે ગણાય છે. એ જ રીતે, 1957 માં, ભારતે સ્વતંત્રતા દિવસની 10મી વર્ષગાંઠની ઉજવણી કરી હતી. પરંતુ એક દિવસ તરીકે તે 11મી હતી. એવી જ રીતે ગણતરી કરીએ તો હવે એટલે કે 2022માં આઝાદીની 75મી વર્ષગાંઠ છે, પણ દિવસ 76મો છે. એટલે કે ભારત આ વર્ષે 76મો સ્વતંત્રતા દિવસ ઉજવી રહ્યું છે.