રાજસ્થાનના બાંસવાડામાં ફૂડ પોઈઝનિંગ, સામૂહિક ભોજન બાદ લોકો પડ્યા બિમાર

રાજસ્થાનના બાંસવાડા જિલ્લાના પનિયાલા ગામમાં શનિવારે સામૂહિક રાત્રિભોજનમાં મીઠાઈ ખાવાથી 125 લોકોને ફૂડ પોઈઝનીંગ (Food Poisoning In Banswara Rajasthan) થઈ ગયું હતું. તમામની સારવાર જિલ્લા હોસ્પિટલમાં ચાલી રહી છે.

રાજસ્થાન : નવાગાંવ ગ્રામ પંચાયતના પાણીયાળા ગામમાં શનિવારે સામૂહિક ભોજન સમારંભનું આયોજન કરવામાં આવ્યું હતું. કાર્યક્રમમાં મીઠાઈ ખાવાના કારણે મોટી સંખ્યામાં લોકોને ફૂડ પોઈઝનિંગ (Food Poisoning In Banswara Rajasthan) થયું હતું. શનિવારે સાંજે લગભગ 7:00 વાગ્યે પ્રથમ દર્દીને હોસ્પિટલમાં દાખલ કરવામાં આવ્યો હતો, ત્યારબાદ 11:00 વાગ્યા સુધી લગભગ 125 લોકોને હોસ્પિટલમાં દાખલ કરવામાં આવ્યા હતા. આ બાબતની માહિતી મળતાં જિલ્લા કલેક્ટર પ્રકાશ ચંદ શર્મા, SP રાજેશ કુમાર મીણા અને નાયબ જિલ્લા વડા ડૉ. વિકાસ બામણિયાએ ગામની મુલાકાત લીધી હતી અને ફૂડ પોઇઝનિંગનો ભોગ બનેલા દર્દીઓ માટે હોસ્પિટલની વ્યવસ્થા કરી હતી.

રાજસ્થાનના પનિયાલામાં 25 લોકોને થયું ફૂડ પોઈઝનીંગ :જિલ્લા કલેક્ટર પ્રકાશ ચંદ શર્માએ જણાવ્યું હતું કે, ગામમાં સામાજિક કાર્યક્રમ પછી લગભગ 200 લોકો માટે ભોજન સમારંભ યોજાયો હતો. જેમાં મીઠાઈ ખાવાથી ફૂડ પોઈઝનિંગની ફરિયાદો સામે આવી છે. શ્રાદ્ધપક્ષ દરમિયાન આદિવાસી પરિવારોમાં દેહ વિસર્જનનો કાર્યક્રમ હોય છે. બારી કાર્યક્રમમાં અનેક પ્રકારની ધાર્મિક આરાધના છે, જે પૂર્વજોને યાદ કરીને કરવામાં આવે છે. આ કાર્યક્રમ એક રાત કે બે રાત સુધી ચાલે છે અને દિવસ દરમિયાન પણ કાર્યક્રમો હોય છે. આવો જ એક કાર્યક્રમ પનીયાળા ગામમાં યોજાઈ રહ્યો હતો. બારીના કાર્યક્રમના અંતે રાત્રિભોજનનો કાર્યક્રમ યોજાયો હતો. જેમાં બૂંદી ચોખા અને અન્ય સામગ્રી તૈયાર કરવામાં આવી હતી. તેમાં બુંદી ખાધા બાદ લોકોની તબિયત લથડી હતી. આ પછી, બાળકો, વૃદ્ધ અને યુવાન, એક પછી એક ઉલટી અથવા ઝાડા થવાની ફરિયાદો થઈ હતી.

દર્દીઓ આવવા લાગ્યા ત્યારે વહીવટીતંત્રની ઉંઘ હરામ થઈ : પનિયાલાનો એક પરિવાર સૌથી પહેલા મહાત્મા ગાંધી હોસ્પિટલ પહોંચ્યો. જેમાં એક બાળક પણ હતો. પરિવારે જણાવ્યું હતું કે, હાલના ગામમાં ઘણા લોકો બીમાર છે, પરંતુ કોઈ તેમની વાત પર વિશ્વાસ કરી શક્યું નથી. ત્યારબાદ એક પછી એક દર્દીઓ આવવા લાગ્યા ત્યારે વહીવટીતંત્રની ઉંઘ હરામ થઈ ગઈ હતી. તરત જ જિલ્લા વહીવટીતંત્રને જાણ કરવામાં આવી અને માહિતી પર મહાત્મા ગાંધી હોસ્પિટલના પીએમઓ સાથે અન્ય ડોક્ટરો પણ તાત્કાલિક હોસ્પિટલ પહોંચ્યા હતા.

TAD પ્રધાનનો ફોન આવતા જ 2 વોર્ડ કર્યા ખાલી :બાંસવાડાના ધારાસભ્ય અને TAD પ્રધાન અર્જુન સિંહ બામણિયાને આ ઘટનાની માહિતી મળી અને તરત જ જિલ્લા વહીવટીતંત્રને વ્યવસ્થા કરવા સૂચના આપી હતી. આ પછી પીએમઓ ડૉ ખુશપાલ સિંહ રાઠોડે હોસ્પિટલમાં 2 વોર્ડ ખાલી કરાવ્યા હતા. જેમાં દર્દીઓને દાખલ કરવામાં આવ્યા હતા.

નાયબ જિલ્લા વડા ડૉ. વિકાસ બામણિયાએ મોકલી હતી એમ્બ્યુલન્સ :નાયબ જિલ્લા વડા ડૉ. વિકાસ બામણિયાને ઘટનાની જાણ થતાં જ તેઓ એમજી હોસ્પિટલ પહોંચ્યા અને તેમણે ગામમાં એક પછી એક એમ્બ્યુલન્સ મોકલી હતી. આ સાથે તેમણે જિલ્લા કલેક્ટર સાથે વાત કર્યા બાદ ગામમાં ખાનગી વાહનોની સુવિધા પણ આપી હતી, જેના કારણે તમામ દર્દીઓને હોસ્પિટલમાં દાખલ કરવામાં આવ્યા હતા.