કોંગ્રેસે કર્યો મોદીને સવાલ, શું વિજય ચોક પર ફાંસી લગાવી લેશો ?

ન્યૂઝ ડેસ્ક: કોંગ્રેસના વરિષ્ઠ નેતા મલ્લિકાર્જુન ખડગેએ વડાપ્રધાન નરેન્દ્ર મોદી વિરુદ્ધ અપમાનજનક ટિપ્પણી કરી છે. તેમણે કહ્યું હતું કે, શું મોદી નવી દિલ્હીમાં વિજય ચોક પર ફાંસી લગાવી લેશે ?

પ્રાપ્ત વિગતો મુજબ ખડગેએ રવિવારે કર્ણાટકના કલબુર્ગીમાં એક રેલીને સંબોધન કરતા આ વાત કહી હતી. અહીં તેમણે કહ્યું હતું કે, વડાપ્રધાન મોદી જ્યાં પણ જાય છે ત્યાં કહેતા ફરે છે કે, કોંગ્રેસ 40 સીટ પણ નહીં લાવે.

ખડગેએ જનતાને પૂછ્યું હતું કે, શું તમને એવું લાગે છે ? ખડગેએ આગળ કહ્યું કે, જો કોંગ્રેસ 40થી વધારે સીટ લાવશે તો વડાપ્રધાન મોદી દિલ્હીના વિજય ચોકમાં ફાંસી લગાવી લેશે ?

આપને જણાવી દઈએ કે, અનેક રાજકીય અવસરો પર ટિકા ટિપ્પણી થતી રહે છે. અનેક વિપક્ષના નેતાઓએ મોદીને દુર્યોધન, રાવણ જેવા શબ્દ પ્રયોગો કર્યા છે.

જો કે, ભાજપના પણ અનેક નેતાઓએ કોંગ્રેસ સહિત વિપક્ષને અપમાનજનક શબ્દો કહ્યા છે.

ઉત્તરપ્રદેશના ભાજપ ધારાસભ્ય સુરેન્દ્ર સિંહે કોંગ્રેસના મહાસચિવ પ્રિયંકા ગાંધીને અપમાનજનક શબ્દ કહી ચૂક્યા છે.