મુઝફ્ફરપુરમાં CM કરી રહ્યાં હતા અધિકારીઓ સાથે બેઠક, અપરાધિઓએ લૂંટ્યા 24 લાખ રૂપિયા

મુઝફ્ફરપુર: દેશમાં દિનપ્રતિદિન ક્રાઈમ વધતો જાય છે. ત્યારે ફરી એકવાર બાઈક સવારે 24 લાખની લૂંટ કરતા ચકચાર મચી છે. સદરખાના વિસ્તારમાં એક્સિસ બેન્કના ATMમાં પૈસા રીફિલ કરવા જતી કેસ વાનમાં બાઈક સવારે ધાકધમકીથી લૂંટ કરી હતી.

એક્સિસ બેન્કમાં પૈસા રીફિલ કરવા જતી વાનમાં બે બાઈક સવારે કબ્જો કરી 24 લાખ રૂપિયાની લૂંટ કરી ઈસમો ફરાર થઈ ગયા હતા. પૈસાની સાથે ગાર્ડની પિસ્તોલ પર પણ કબ્જો કર્યો હતો. પોલીસે CCTVનાં આધારે સમગ્ર ઘટના પર તપાસ હાથ ધરી છે.

એક તરફ બિહારના મુખ્યપ્રધાન નીતીશ કુમારે જિલ્લામાં તમામ અધિકારીઓ સાથે સમીક્ષા બેઠક કરી રહ્યા હતા. તો બીજીબાજુ અપરાધીઓએ પ્રશાસનને ખુલ્લી ચેલેન્જ આપતા 24 લાખ રૂપિયાની લુંટ કરી હતી.