ગ્રાહકની મંજૂરીથી KYC માટે આધારનો ઉપયોગ કરી શકે છે બેંકઃ RBI

મુંબઈઃ બેંક ગ્રાહકોની સંમતિથી KYCની ચકાસણી માટે આધારનો ઉપયોગ કરી શકે છે. કેન્દ્રીય બેંકે વ્યક્તિઓની ઓળખ માટે દસ્તાવોજોની પોતાની યાદીને અદ્યતન બનાવી છે.

રિઝર્વ બેંકે સ્પષ્ટ કર્યું છે કે, બેંક અને અન્ય બેંક ખાતા ખોલવા સહિત અલગ-અલગ ગ્રાહક સેવાઓ માટે KYC નિયમોનું પાલન કરશે. કેન્દ્રીય બેંકે KYC પર સંશોધન માસ્ટર નિર્દેશનમાં કહ્યું કે, બેંકને એ પ્રકારના વ્યક્તિઓનો આધાર ચકાસણી કરવાની મંજૂરી આપવામાં આવી છે, જે મુક્તપણે પોતાના આધારનો ઉપયોગ પોતાની ઓળખ પ્રમાણિત કરવા માટે કરવા ઈચ્છે છે.

કેન્દ્રીય મંત્રીમંડળે ફેબ્રુઆરીમાં બેંક ખાતા ખોલવા અને મોબાઈલ ફોન કનેક્શન માટે ઓળખપત્રના રૂપમાં આધાર અથવા સ્વૈચ્છિક ઉપયોગની મંજૂરી આપવા માટે એક અધિનિયમને મંજૂરી આપી હતી.

આ અધિનિયનને એક બિલના રૂપમાં રજૂ કરવામાં આવ્યું હતું. જેને 4 જાન્યુઆરીના લોકસભામાં પસાર કરવામાં આવ્યું હતું. પરંતુ રાજ્યસભામાં આ લાંબા સુધી રહ્યું હતું. લોકસભા ભંગ હોવાના કારણે બિલ પણ સમાપ્ત થઈ ગયું છે. RBIએ કહ્યું કે, સત્તાવાર રીતે માન્ય દસ્તાવેજોની સૂચિમાં 'આધારને પુરાવા તરીકે ઉમેરવામાં આવ્યો છે'.