નવી દિલ્હી: કોંગ્રેસ અધ્યક્ષ સોનિયા ગાંધીએ મંગળવારે વડાપ્રધાન મોદી દેશને સંબોધન કરે તેના 3 કલાક પહેલાં દેશના નામે પોતાનો એક વીડિયો મેસેજ જાહેર કર્યો હતો. આ વીડિયોમાં સોનિયા ગાંધીએ કહ્યું કે, કોરોના સંકટમાં ડોક્ટર્સ, સફાઈકર્મીઓ, પોલીસ સહિત સરકારી ઓફિસર્સનું સતત કાર્યરત રહેવું કોઈ દેશભક્તિ કરતા ઓછું નથી. આપણે એકતા, અનુશાસન અને આત્મબળના ભાવથી કોરોનાને હરાવીશું, કોરોના સામે આપણે ક્યારેય હાર નહીં માનીએ.
કોંગ્રેસ અધ્યક્ષ સોનિયા ગાંધીએ PM મોદીના સંબોધન પહેલાં દેશના નામે પોતાનો એક વીડિયો મેસેજ જાહેર કર્યો હતો. 5 મિનિટ 45 સેકન્ડનો આ મેસેજ સવારે 7 વાગે કોંગ્રેસ ટ્વિટર એકાઉન્ટથી પોસ્ટ કરવામાં આવ્યો છે.