મેચ ફિક્સિંગ કેસઃ 19 વર્ષ બાદ સંજીવ ચાવલાને ભારત લવાયો

દિલ્હી ક્રાઈમ બ્રાન્ચ વર્ષ 2000 મેચ ફિક્સિંગના કેસના આરોપી સંજીવ ચાવલાને 19 વર્ષ બાદ લંડનથી લાવવામાં સફળ રહી છે, ત્યારે આ કેસની તપાસમાં અન્ય ભારતીય ક્રિકેટ સ્ટાર્સ પણ મુશ્કેલી મુકાય તેવી શક્યતા વર્તાઈ છે.

નવી દિલ્હીઃ આ કેસની તપાસ કરી રહેલી દિલ્હી પોલીસની ક્રાઈમ બ્રાંચના DCP રામ ગોપાલ નાયકની ટીમ ગુરૂવારે સવારે સાડા દસ વાગ્યે દિલ્હીના IGI એરપોર્ટ પર સંજીવને લઈ પહોંચી હતી. તે એક ખાસ સંધિ હેઠળ લંડનથી ભારત પ્રત્યાર્પણ કરાયો છે. મહત્વનું છે કે, વર્ષ 2000માં 16 ફેબ્રુઆરી અને 20 માર્ચે રમાયેલી ભારત-દક્ષિણ આફ્રિકા મેચમાં ફિક્સિંગના આરોપો બાદ દિલ્હી પોલીસે કેસ નોંધીને તપાસ શરૂ કરી હતી.

ફિક્સિંગ સાથે જોડાયેલા હોવાના પૂરતા પુરાવા ન મળતાં પોલીસે ચાર્જશીટમાંથી દક્ષિણ આફ્રિકાના ખેલાડીઓ હર્ષેલ ગિબ્સ અને નિકી બોયના નામે દક્ષિણ આફ્રિકાની ટીમના કેપ્ટન રહી ચૂકેલા સ્વર્ગીય હંસી ક્રોંજે સહિત 6 લોકો સામે પૂરતા પુરાવા ન હોવાથી ચાર્જશીટમાંથી તેનું નામ હટાવવામાં આવ્યું હતું. દિલ્હી પોલીસની ક્રાઈમ બ્રાંચ દ્વારા મળતી માહિતી પ્રમાણે, મેચ ફિક્સિંગના કેસમાં દિલ્હી પોલીસની ચાર્જશીટ મુજબ હાલ એક ફરાર બ્રિટીશ નાગરિક ચાવલા ભારતીય ખેલાડીઓ સહિત ઘણા આંતરરાષ્ટ્રીય ક્રિકેટરો સાથે જોડાયેલા હતા.

મળતી માહિતી પ્રમાણે, ક્રાઈમ બ્રાંચે સ્કોટલેન્ડ યાર્ડના દસ્તાવેજો પણ એકઠા કર્યા છે, જેની સૂત્રોએ ઇંગ્લિશ ખેલાડીઓ સાથે સંકળાયેલા અન્ય શરત કૌભાંડમાં 2001માં ચાવલાની ધરપકડ કરી હતી. ઇંગ્લેન્ડના ભૂતપૂર્વ ઓલરાઉન્ડર ક્રિસ લુઇસના નિવેદનના આધારે, ચાવલાએ ઇંગ્લેન્ડના તત્કાલીન કેપ્ટન એલેક સ્ટુઅર્ટને મેચમાં પ્રદર્શન માટે લાંચની ઓફર કરી હતી. ત્યારબાદ સ્કોટલેન્ડ યાર્ડે ચાવલા અને અગ્રણી ભારતીય રમત પ્રમોટરની પૂછપરછ કરી હતી.

તપાસ દરમિયાન એવું પણ બહાર આવ્યું હતું કે, ભારત, પાકિસ્તાન, વેસ્ટ ઇન્ડિઝ અને દક્ષિણ આફ્રિકાના ઘણા ખેલાડીઓ ચાવલાના સંપર્કમાં હતા. ચાવલાના દુબઈ સ્થિત સટ્ટાબાજીના સિન્ડિકેટ્સ સાથેના સંબંધો અંગે, દિલ્હી પોલીસના ભૂતપૂર્વ કમિશનર અજય રાજ ​​શર્માએ જણાવ્યું હતું કે, શરૂઆતમાં અંડરવર્લ્ડના સભ્ય દ્વારા ઉપયોગમાં લેવાયેલ યુએઈ નંબર શોધી કાઢવામાં આવ્યો હતો. જોકે, પોલીસની પૂછપરછ કરવામાં આવશે ત્યારે ચાવલાની અન્ડરવર્લ્ડ સાથેની કડી તપાસવામાં આવશે.

દિલ્હી પોલીસની ચાર્જશીટમાં ખુલાસો થયો છે કે, સંજીવ ચાવલાના એક સહયોગી કૃષ્ણ કુમાર (ટી-સીરીઝ મ્યુઝિક ગ્રુપનો)નો ફોન નંબર 2000ની શરૂઆતમાં દુબઇથી સંચાલિત અન્ડરવર્લ્ડના કથિત સભ્ય સાહિન હેથલીના ફોન નંબર સાથે સીધો જોડાયેલો છે. આમ, 2000 મેચ ફિક્સિંગના કેસના કોયડામાં અનેક ક્રિકેટરો સામેલ હોવાના એંધાણ વર્તાઈ રહ્યાં છે, ત્યારે ભારતીય ક્રિકેટ જગતમાં સન્નાટો વર્તાઈ રહ્યો છે.