મુખ્ય ન્યાયાધીશ રંજન ગોગોઇને ક્લીન ચીટ મળતા SC બહાર મહિલાઓનો વિરોધ

નવી દિલ્હી: દુશ્કર્મ મામલે મુખ્ય ન્યાયાધીશ રંજન ગોગોઇને ક્લીન ચીટ મળતા કોર્ટ બહાર મહિલાઓએ વિરોધ કર્યો હતો. તો અંદાજે 30 મહિલાઓને પોલીસે અટકાયત કરી છે. જેના પગલે સુપ્રીમ કોર્ટ બહાર 114 કલમ લાગુ કરી દેવામાં આવી છે.

ઉલ્લેખનીય છે કે, ચીફ જસ્સિટ રંજન ગોગોઈની વિરૂદ્વ યૌન ઉત્પીડનના આરોપોની તપાસ માટે બનારેલી સુપ્રીમ કોર્ટના ત્રણ જ્જોની આંતરિક સમિતિએ તેમણે ક્લીન ચીટ આપી છે. સમિતિએ કહ્યું કે, ચીફ જસ્ટિસની વિરુદ્ધ કોઈ ઠોસ પુરાવા નથી મળ્યા. સુપ્રીમ કોર્ટની એક પૂર્વ મહિલા કર્મચારીએ ચીફ જસ્ટિસ પર યૌન શોષણનો આરોપ લગાવ્યો હતો.

નોંધનીય છે કે, ચીફ જસ્ટિસ રંજન ગોગોઈ પર યૌન શોષણના આરોપ લગાવનાર પૂર્વ મહિલા કર્મચારીને કોર્ટની આંતરિક સમિતિ દ્ધારા ગોગોઈને ક્લીન ચીટ આપવા પર કહ્યું કે, હું નિરાશ છું.

તો ચીફ જસ્ટિસ રંજન ગોગોઈને ક્લીન ચીટ મળતા કોર્ટની બહાર 30 જેટલી મહિલાઓએ વિરોધ કર્યો હતો. જે તમામની પોલીસે અટકાયત કરી છે.